Што праваат успешните луѓе за време на викенд?

Со денови го очекуваме, а потоа може да бидеме жртва на преголеми очекувања, па да ја започнеме новата работна недела незадоволни и уште поуморни. Проверете што стручните лица препорачуваат да правите во текот на еден викенд за да го доживеете како вистински одмор.

Ова го прават успешните и среќни луѓе, па можеби ќе пробате и вие...

1. Резервирајте време за семејството и пријателите. Ова е посебно важно, затоа што во текот на неделата сè помалку време минувате со саканите личности.

2. Секој би требало да е активен за време на викендот, посебно ако вежбањето го изоставивте веќе подолго време. Тоа е совршена активност за да го разбистрите умот и да осмислите нови идеи.

3. Успешните луѓе за време на викендот се посветуваат на работите кои им се важни и кои ги сакаат, па затоа е паметно да поминете повеќе време на активностите кои ве прават среќни и исполнети.

4. Одморете се, викендот пред сè е време кога треба квалитетно да ги опуштите мускулите и да уживате во минимум 8 часа сон.

5. Имајте навика да се исклучите од сите мејл адреси и социјални мрежи. Супер би било и ако прошетате без мобилниот телефон и без да одговорите на деловните повици.

6. Волонтирајте во некоја хуманитарна организација и запознајте луѓе со малку поразлични животни навики и вредности. Бидете креативни и задоволни со она што го правите.

7. Избегнувајте ги ситните поправки за време на двата слободни денови. Доколку навистина не ви е неопходно, подобро е да се одморите од непотребните физички активности.

8. Направете план и бидете поделотворни од било кога.

9. Дружете се и не ги изоставувајте или откачувајте пријателите кои ќе ве викнат на утринско кафе, пиво или излегување. Бидете активни кога и да можете на друштвено поле.

10. Запознајте нови луѓе и воспоставувајте нови контакти кога и да ви се пружи шанса. Никогаш не знаете кој кога ќе ви се најде.

11. Размислувајте за вашите можности и постигнувања. Зголемете ја самодовербата за само неколку часа и убедете се дека сè што до сега сте постигнале е успехот кој ви е потребен.

12. Медитирајте. Понекогаш потребен ви е мир и потполна тишина, ништо повеќе...

13. Наполнете ги батериите така што ќе го успорите темпото за време на викендот. Имајте помалку обврски, а повеќе време за уживање.