Неуспехот - чекор до успехот

Најголем виновник за неактивност не е недостатокот на идеи, пари или време - тоа е стравот од неуспех кој го парализира умот па затоа е многу...

 

...важно да се ослободите од него.

Кога ќе успеете да го совладате тој страв - тогаш го живеете животот во потполност. За да се постигне ова потребно е да ги промените ставовите.

Луѓето често даваат многу внимание на неуспехот посебно кога крајниот резултат е во погрешна насока. Притоа забораваат дека неуспехот е само дел од нешто многу поголемо - процесот на учење и сопствено растење.

Сепак, некои успеваат да станат посилни со секој претрпен пораз. Тие сфаќаат дека неуспехот е составен дел на успехот. Знаат дека треба да учат од сопствените грешки.

Неуспехот е само порака дека нешто треба да се направи на друг начин, дека постои простор за подобрување.

Заради тоа овие луѓе не се грижат за неуспехот бидејќи не го доживуваат како посебен настан, туку како дел од многу позначаен процес во животот.

Луѓето кои никогаш не доживеале неуспех го замислуваат како нешто катастрофално.

Но, во реалноста, стравот од неуспех е многу полош од самиот неуспех. На пример - на училиште децата кои ќе погрешат нешто, стануваат предмет на исмејување, а возрасните се изложени на критика.

Заради тоа стравот од неуспех е толку силен. Имајте на ум дека ги знаете сопствените вредности и немора да се грижите за туѓите мислења и ставови.

Ако работите на нешто и не ги постигнувате посакуваните резултати, тоа не значи дека сте “неуспешни“ или “губитници“ туку само дека треба нешто да го направите поразлично.

Изразите “успешен“ и “неуспешен“ баш и немаат смисла затоа што секој понекогаш успева во нешто, а во нешто не. Сакате да постигнете големи работи, а креативните идеи не се доволни.

Најтешко е да ги спроведете во дело. Иноватори не се само оние кои имаат сјајни идеи додека седат во својата соба, туку оние кои имаат храброст да излезат надвор и да ги испробаат идеите.

Во најголем број случаи НЕМА да успеат. Но, со секој неуспех ќе научат нешто ново.