Колку пари ни се потребни за да бидеме среќни?

Во желба да бидеме посреќни честопати трошиме пари на многу работи, мислејќи дека така ќе се чувствуваме подобро. Дали е ова вистинскиот пат и колку пари се потребни за среќа?

Со цел правилно да одговориме на прашањето колку пари се потребни за среќа, треба да бидеме искрени. И покрај тоа што не се гаранција за среќа, парите се важни.

За да ги заработите и искористите на вистински начин, понекогаш треба да ја промените вашата кариера или да изберете работа која ќе ви донесе големи приходи.

Заборавете на импулсивен шопинг

Сигурно некогаш сте имале лош ден, што сте сакале да го подобрите со шопинг. Тоа е во ред сè додека не купувате работи кои навистина не ви се потребни. Ако не сте сигурни дали она што го купувате ви е навистина потребно, одложете го шопингот.

Друга добра тактика која помага при купувањето е да се фокусирате на вредноста на предметот. Дали сакате некој да ви даде околу 4.000 денари или сакате да ви подари џемпер? Ако ги избравте парите тогаш џемперот не ви е толку потребен.

Работете го она што ве прави среќни

Изборот на работа е од клучно значење за среќниот живот. Ако подолго време го работите она што не ви се допаѓа, никогаш нема да бидете навистина среќни. Затоа многумина одлучуваат да ја променат работата и да изберат нова кариера.

Некој е среќен што може да работи од дома, па ќе се реши за веб дизајн или Java програмирање.

Среќата влегува низ устата

Големо влијание врз нашето задоволство ја има и храната. Ова е најизразено на работа, каде што јадеме ретко, не сфаќајќи дека на овој начин влијаеме на нашето расположение, но и на нашето здравје.

Планирајте ги оброците за работа, на овој начин ќе заштедите време и пари.

Престанете да купувате ситници

Можеби ќе ви звучи неверојатно, но во текот на месецот најмногу пари трошиме на ситниците кои вредат под 100 денари. Кога чекаме во редица во дуќанот ќе додадеме нешто ситно во корпата, бидејќи е евтино.

Оваа секојдневна навика е вистинската причина зошто се прашуваме каде ни отидоа парите?

Големите работи платете ги во готово

Кога купуваме работи со картичка многу е полесно да ги заборавиме парите, бидејќи не ги гледаме. Кога ќе плаќате во готово многу подобро ќе разберете колку нешто вреди со што повеќе ќе го цените она што го купивте. Научно е докажано дека многу потешко се решаваме да купиме нешто кога ќе сфатиме со колку пари треба да се простиме.

Кога ќе сфатиме дека не сакаме да бидеме богати, туку среќни, ќе ни биде многу полесно да се свртиме кон работите што навистина ни значат.

Колку пари ни се потребни за да бидеме среќни? Онолку колку што ќе им дадеме значење.

Ашера | Црнобело