Ако сакате да бидете вистински добар шеф - Кои прашања не треба да ги поставувате на интервју за вработување?

Интервјуата за работа знаат да бидат многу стресни за кандидатите, но понекогаш и исцрпувачки за вработувачот.

Затоа треба да знаете како да си ја олесните работата и кои прашања никогаш не смеете да ги поставите на кандидатите, доколку сакате вработен на кого ќе можете да сметате:

1. Не ги прашувајте кандидатите „Што е вашата најголема слабост?“. Тоа не е ваша работа, навистина. Наместо тоа, кажете им која е вашата, односно кој е најголемиот предизвик за вашата компанија.

2. Не прашувајте „Зошто си заминавте од претходната компанија?“, тие сè уште не си заминале.

3. Прашањето „Зошто мислите дека треба токму вас да ве вработиме?“ заменете го со објаснување зошто тие би требало да ви се придружат вам.

4. Избегнувајте ирелевантни, понижувачки или несоодветни прашања, како што се „Дали сте во брак?“ или „Дали планирате да имате деца?“.

5. Не ги третирајте кандидатите како да се чергичиња за бришење нозе, почитта треба да е обострана.

6. Не се обидувајте да вработите луѓе што ќе работат за вас, туку вработете луѓе со коишто ќе работите, од коишто можете да научите, поточно од нивниот ентузијазам и нивното искуство.

7. Не прашувајте „Каде се гледате себеси за 5 години?“. Наместо тоа објаснете им на кандидатите каде ја гледате вашата компанија за 6 месеци.

8. Запамтете дека совршените кандидати и совршените менаџери имаат една заедничка работа – не постојат. Не барајте перфекција, туку гледајте ја вредноста што кандидатот ќе ви ја донесе.

9. Не им кажувајте на кандидатите „Ќе ве известиме“ доколку немате таква намера. 

Подобро е веднаш да ги одбиете, отколку да ги оставите да висат. Наместо тоа советувајте ги за грешките и недостатоците во резимето или интервјуто. Уште подобро, доколку има услови, јавете се во друга компанија што можеби би имала потреба од тој кандидат.

(О)Милена | Црнобело