5 работи кои успешните жени ги прават по работниот ден
Спонзорирано од:
Спонзорирано од ОгласиЗаРабота.мк


5 работи кои успешните жени ги прават по работниот ден

Иако многумина се интересираат како успешните го почнуваат денот и колку нивните рутини се разликуваат, важен е и остатокот од денот.

5-raboti-koi-uspeshnite-zheni-gi-pravat-po-rabotniot-den-01.jpg

Она што е најважно е да умеете да ги одвоите приватните од работните обврски и кога ќе се вратите дома, да ја оставите работата во канцеларија.

Сепак, за да постигнете совршен баланс во животот, треба да си создадете некои ритуали кои ќе ве инспирираат и ќе ви даваат мотивација за секој нареден ден.

Во продолжение следат 5 трикови на кои успешните жени се потпираат:

Не разговараат за работа откако ќе ја напуштат канцеларијата

Стресот околу некои недовршени обврски или возбудата за нови задачи се причина зошто многумина не можат да постават граница и размислуваат за работата и по работното време.

Со тоа, не успевате да се посветите на другите обврски и ги запоставувате останатите важни работи и луѓе во вашиот живот, а следниот ден се чувствувате како воопшто да не сте направиле пауза од работа.

Поставете граница помеѓу работата и пост работното време.

5-raboti-koi-uspeshnite-zheni-gi-pravat-po-rabotniot-den-04.jpg

Одвојуваат половина час само за себе

Читање книги, нега на лицето и телото, опуштена топла купка или готвење за свој мерак – секоја жена има свој начин на опуштање и релаксирање, но многумина често забораваат да се грижат за себеси.

Наместо кога ќе се вратите дома веднаш да се фатите за обврски или повторно за работа, одвојте малку време само за себе и никој друг. Забавете го брзото темпо и на момент почувствувајте се како да постоите само вие.

5-raboti-koi-uspeshnite-zheni-gi-pravat-po-rabotniot-den-02.jpg

Поминуваат време со семејството и блиските пријатели

Наместо да трошат време на неважни личности кои им ја црпат енергијата, или пак да се затвораат дома, успешните жени не забораваат кој е секогаш покрај нив кога им е потребна поддршка.

Поминувајте време со семејството и дружете се со блиски и драги луѓе за секогаш да ги наполните батериите, дури и без да има повод.

Пред спиење прават „to-do“ листа

Со овој краток чекор тие знаат дека можат мирно да легнат и да се одморат за следниот ден, кој веќе е испланиран и нема простор за паника дека нешто нема да стигнат или да завршат, па тоа не ги мачи во текот на вечерта.

На тој начин тие го започнуваат секој ден исто, а обврските им се организирани, па точно знаат што ги чека и како да се подготват за денот.

5-raboti-koi-uspeshnite-zheni-gi-pravat-po-rabotniot-den-03.jpg

Сонот го ставаат на прво место

Доколку имате добра организација, можете да стигнете со сите активности, а секако најважно е да си оставите доволно време за сон.

Добриот и квалитетен сон и чувството на одмореност се клучни за креативност и продуктивност, па само така ќе можете да се движите на патот кон успехот ден по ден.

М. М. | Црнобело

Би можело да ве интересира:

3 важни работи кои секоја жена треба да ги промени кај себе за да биде успешна Секоја жена посакува да биде успешна, но тоа не се постигнува преку ноќ и потреб...
Како да го организирате работниот ден за максимална продуктивност? Свесниот дел од вас веќе е навикнат на динамичните работни денови. Останува само...
9 работи кои никогаш не треба да ги чувате на бирото на работа На турпијата не ѝ е местото на вашето биро. Ниту пак на нечистата шолја од кафе....

Најчитани неделава