Што да правите после работа за посреќно секојдневие?

Сакале или не, после некое време секој влегува во дневна рутина која почнува да владее со нашите животи. Престанете да бидете пасивни и бидете проактивни, бидејќи промената на вашата рутина е исклучително важна. 

После напорен работен ден многумина ја „фрлаат“ облеката и гледаат што побрзо да се сместат на каучот со филм или серија, а потоа се жалат дека нема време за ништо.

Факт е дека ние сме виновни за тоа. За да не почувствувате монотонија и незадоволство од животот, потребно е да ја смените рутината.

Што да правите после работа за да бидете организирани, среќни и задоволни со себе?

Исчистете го просторот

Чистиот простор значи и чист ум. Затоа, наместо само да ги фрлате работите на првата столица што ја гледате, здиплете ја облеката што ја носевте тој ден, извадете го ручекот и приборот за јадење и измијте ги садовите, а потоа организирајте се за следниот ден и дури потоа легнете заслужено без грижи.

Ако го направите ова, следното утро нема да мора да брзате да ги пронајдете клучевите или облеката. Ќе имате време да се подготвите за работа и да се опуштите со кафе и добра книга.

Воведете здрави навики

Ручекот обидете се да биде нешто здраво, а потоа може да си подготвите и здрава закуска за кога ќе седнете да гледате филм или серија. Може да си подготвите и ручек за следниот ден. Нема да ви биде потребно многу време за да подготвите здрав оброк.

Можете да направите салата, тортиља со зеленчук или некоја здрава чорба. Овие оброци можете да ги подготвите неколку дена однапред.

Посветете се на себеси

Како и здравиот оброк, вежбањето е важна здрава навика која е корисна. Обидете се да одите на јога неколку пати неделно, или можеби во теретана. Доколку не сакате да вежбате со група луѓе, секогаш можете да трчате или шетате.

Можете да возите и велосипед наместо автомобил, од дома до работа и обратно или по работа рекреативно.

Запомнете дека грижата за себе вклучува и нега на тело, во форма на бањи, масажи, маски за лице, но и читање, танцување, гледање на вашите омилени серии или кој било друг ритуал што ќе ви помогне да се чувствувате подобро однадвор и однатре.

Направете план за утре

Пред спиење, направете список на работи за утре. Ова ќе ви даде јасна слика за тоа што ве чека. Без страв од неизвесност полесно ќе заспиете и ќе имате поквалитетен сон.

Малите промени во вашата рутина ќе го збогатат вашиот живот со нови искуства. Ќе се чувствувате подобро, ќе имате повеќе мотивација и ентузијазам за нови активности за кои порано не сте размислувале.

Ашера | Црнобело