Проголтајте ја конкуренцијата!

Оние што се успешни во својата работа, без оглед на тоа која струка е во прашање, имаат свои предности. Заработуваат повеќе. Подобро се забавуваат.

 

Многу често имаат и подобри девојки. Клучот, како и во секоја работа, е да постигнете успех и покрај големата конкуренција. Морате да имате план отпорен на „куршуми“.

Почестете ја го весело „добро утро“ личноста која тоа не го очекува. Тоа служи за да се израдува личноста, но и да се збуни како мачка која се обидува да ја фати светлината на батеријата.

Подоцна истата личност игнорирајте ја во лифт, наведувајќи ја на мисла дека кај вас е „на тенок мраз“. Целта е соработниците никогаш да незнаат дали ги очекува пофалба, критика или игнорирање.

Оние кои сакаат да бидат успешни ја користат таа техника за да ги „скршат“ своите потчинети, кои секогаш се прашуваат што ли е сега на ред: ќотек или морков? По извесно време, секој човек ќе попушти под ваква тортура.

Не е лош ни методот упорно да избегнувате да ги поздравувате луѓето наутро. Така емитувате цела низа важни пораки кон своите колеги.

Пред сè, ќе мислат дека сте намќор кого треба да го расположат и кон него да се однесуваат со особено внимание. Потоа ќе помислат дека со вас секое утро треба да почнат од почеток. Тоа ги прави луѓето нервозни, обично непотребно – но функционира.

Користете ја секоја можност да го слушнете својот глас. Успешните луѓе сакаат да зборуваат и што е поважно, сакаат луѓето да ги слушаат, дури и кога имат попаметна работа. Бидете оној кој зборува! Состаноци или непредвидени упади во канцеларии, не е важно.

Пронајдете идеална можност да зборувате и вашиот глас да се слушне. Нема ништо пологично. Вие сте надарена и исклучителна личност. Попаметни сте, побрзи, повредни од оние кои ги познавате, се разбира.

Луѓето кои што тоа го приметуваат, очигледно имаат добра моќ на забележување. Оние кои што не го гледаат - тоа е само нивен проблем, зарем не?