Интервју со Рамон, Бразилец женет за прилепчанка: „Ги мразам зимите во Македонија, но обожавам бурек и ракија“

Како Македонците те прифатија како странец?

Кога прв пат, во 2017, дојдов во фудбалскиот клуб во Прилеп имав многу лошо искуство и мислев дека сите Македонци се лоши. Тоа беше еден од најтешките периоди од мојот живот.

Но, откако ја запознав Мариа и стекнав свои пријатели моето мислење за Македонија и Македонците тотално се сменив и сфатив дека лоши биле само поединци од менаџерскиот тим на фудбалскиот клуб.

Откако почнавме да живееме во Скопје, покрај пријателите на Мариа, немам многу свои, но оние кои ми се блиски ме прифатија одлично, баш таков каков што сум. И семејството на мојата сопруга ме прифати одлично.

Дали сопругата и ќерката биле во Бразил и колку се запознаени со твојата култура?

Мариа и Наоми сè уште го немаат посетено Бразил бидејќи минатата година нашите планови беа откажани поради светската пандемија, но, се надевам дека овој Божиќ ќе го прославиме заедно со моето семејство на бразилските плажи.

Јас постојано им раскажувам за Бразил и им подготвувам некои традиционални јадења, Наоми веќе кажува некои зборови на португалски јазик, па верувам дека ќе им се допадне мојата родна земја.

Колку си запознаен со македонската култура и традиции и што најмногу ти се допаѓа?

Постојано учам нешто ново, а сега најмногу сум фокусиран на учење на јазикот.

Сите празници ги славиме и со македонски и со бразилски традиции. Од сите најмногу ми се допаѓа кршењето на лепче со паричка на Бадник бидејќи е сосема поразлично во мојот роден крај.

Што најмногу ти недостига од Бразил?

Feijoada – традиционално јадење со црн грав и свинско месо, каипириња и pagode – традиционална музика и секако семејството и пријателите кои во последниве три години ги гледам само на видеоповик.

Дали е тешко да се биде татко и сопруг во држава која не е твоја родна татковина?

Сè е исто како и во Бразил, работа, плаќање на сметки и грижа за семејството, само што тука мора да го правам сето тоа на македонски јазик. Јас верувам дека луѓето сами до одредуваат својот живот, а не државата во која живеат.

Има предизвици, но Мариа е тука да ми помогне и таа е мојата најголема поддршка и верен преведувач.

Како ти се допаѓа македонската храна?

Се надевам дека Македонците нема да ме мразат, ама најискрено не ми допаѓа ајвар, но, затоа многу сакам да јадам бурек. Обожавам чорба наутро со топло лепче и ракија. А од слатките, обожавам трилече.

Продолжува на следната страна...