Девојче (10) од Скопје е мала модна инфлуенсерка, а секој роденден има тематски аутфит - изработен од тетка ѝ

„Модните комбинации кои ги презентира Галена секогаш се правени по последните светски модни трендови, а за тоа најголема заслуга имаат нејзината мајка и јас како нејзина тетка, по професија моден дизајнер“, вели Стефанија Насеска за CRNOBELO.com.

Стефанија Насеска е наша модна дизајнерка и тетка на Галена Илијоска.

Таа го води Инстаграм профилот на нејзината внука Галена (@sheisgaga), која веќе на 10 години е мала модна инфлуенсерка.

Стефанија за Галена за CRNOBELO.com вели:

„Ќе започнам со една наша народна поговорка ’Крвта вода не бидува‘, можеби токму тоа е причината за оформувањето на одреден карактер и раѓањето на желбите кај сите нас. 

Среќата да биде родена во семејство во кое модата е една од движечките сили кај Галена придонесе спонтано и несвесно да се развива желбата и чувството за естетика.

Галена е дете со многу нормално и среќно детство.

Родена е на 14-ти март пред 10 години, како трето дете во семејството и единствено девојче, а токму тоа и придонесе некои работи да дојдат спонтано како што е дотерувањето (за девојчиња секогаш има поубава гардероба).

Уште од првите денови од нејзиното раѓање е фотографирана во модни комбинации.

Ваквиот начин на фотографирање и објавување своевремено кај нас не беше тренд за подоцна да биде позитивно и општо прифатено. Поставувањето на трендови во социјалните медиуми го прати нејзиното детство и до ден денешен.

Нејзиниот Инстаграм профил е отворен повеќе да биде дигитален албум за сите блиски и подалечни роднини и пријатели, но отсекогаш бил јавен со цел да инспирира што е можно повеќе луѓе, особено мајки кои сакаат креативно да се изразуваат.

Контролиран е и воден од мене.

Талентот за позирање го имала отсекогаш, за тоа можеби придонеле фотографирањата уште од бебе, па денес е многу лесно да се соработува со Галена кога станува збор за фотографии и позирање и сето тоа доаѓа како нејзина желба.

Модните комбинации кои ги презентира секогаш се правени по последните светски модни трендови, а за тоа најголема заслуга имаат нејзината мајка и јас како нејзина тетка, по професија моден дизајнер.

Галена сè повеќе изразува желба за посета на модни настани, активно учествува во позадинските подготовки на модни парчиња, фотосесии и ревии.

Сè повеќе кај неа се развива желбата за посета на музеи, изложби и други културни случувања во градот. Беше дел и заштитно лице на некои детски модни брендови, а особено е горда на неколкуте кампањи и снимени реклами.

Продолжува на следната страница...