10 ужасни филмови кои вреди да ги изгледате (и веќе се сметаат за култни)

Battlefield Earth

Уште еден филм во кој Џон Траволта има „сериозна“ улога.

Дејството е сместено во 3000-та година, период кога човештвото е поробено од вонземјани.

Најинтересно е што филмот е снимен според книга на основачот на скиентолошката црква.

Batman & Robin

Ова е филм за кој самиот Џорџ Клуни вели дека зажалил што го снимил.

Клуни го глуми Бетмен, а покрај него се појавуваат актери како Ума Турман и Арнолд Шварценегер.

За разлика од повеќето филмови на листата, овој и не е толку лош, но дефинитивно е премногу комичен и наивен за мрачен суперхерој како Бетмен.

Gigli

Кога беа пар во раните 2000-тити, Џен Афлек и Џеј Ло снимија заеднички филм, кој важи за најлошиот во кариерата на познатиот актер.

Афлек глуми платен убиец кој е најмен да киднапира личност со ментална попреченост. Во меѓувреме, личноста што го плаќа најмува друг убиец да го следи.

Од некои од дијалозите помеѓу ликовите на Бен и Џеј Ло ќе ве „изеде туѓ срам“, но сепак вреди да го изгледате.

The Wicker Man

Оригиналниот The Wicker Man од 1973 година се смета за филм кој го дефинира жанрот на хорор филмови инспирирани од фолклорни приказни.

Но, римејкот од 2006-та се смета за можеби најлошиот со Николас Кејџ. А, верувајте ги има многу.

Во филмот Кејџ глуми маж кој оди на приватен остров за да најде исчезнато девојче. На островот живее заедница, односно морничав култ кој се заканува да ја убие.

Cats

Мјузиклот Cats е популарно шоу на Бродвеј кое се емитува уште од далечната 1981 година.

Филмот, од друга страна, е нешто неописливо.

Главните ликови во мјузиклот се мачки – нешто што може да изгледа забавно на театарска сцена.

Но, во филмот актерите се претворени во хуманоидни мачки со помош на компјутерска анимација и изгледаат вознемирувачки.

Спирова С. | Црнобело