Топ 10 филмови со Роберт Дауни Џуниор

Овој викенд може да се опуштите од напорната работна недела и да уживате во некое добро филмче. Наш предлог е да погледнете некој филм од познатиот актер Роберт Дауни Џуниор.

Со своето карактеристично глумење тој успеа да стане еден од најпознатите и најпочитуваните глумци на Холивуд со листа од филмови кои високо котираат на листите на топ филмови.

Ова се 10 негови највисоко оценети филмови од последнава деценија.

1. „Sherlock Holmes“

Детективот Шерлок Холмс и неговиот партнер Вотсон се вклучуваат во битка против непознатиот непријател чија одмазда се заканува на цела Англија.

2. „Chaplin“

Филм за проблематичниот и контроверзен живот на режисерот и кралот на комедијата.

3. „Zodiac“

Карикатурист од Сан Франциско станува аматерски детектив кој станува опседнат со пронаоѓање на серискиот убиец наречен „Зодијак“.

4. „The Avengers“

Најмоќните херои на планетата Земја ги соединуваат силите за да се борат против лукавиот бог Локи и неговата вонземјанска армија.

5. „Tropic Thunder“

Преку серија на чудни појави, група од неколку актери кои снимаат високобуџетен воен филм, принудени се да станат вистински војници.

6. „The Judge“

Големиот адвокат Хенк Палмер се враќа во домот од детството каде неговиот татко, судија на градот, е осомничен за убиство.

7. „Iron Man“

Откако бил затвореник од страна на терористите и успеал да избега, создава уникатен оклоп за да се бори против злото.

8. „Kiss Kiss Bang Bang“

Мистериозно убиство ги соединува еден приватен детектив, актерка и крадец маскиран како актер.

9. „Due Date“

Питер Хајман е принуден со автостоп да гледа што е можно побргу да пристигне дома за пораѓањето на неговата жена.

10. „Sherlock Holmes: A Game of Shadows“

Овој пат целта на Шерлок Холмс и Вотсон е да го победат нивниот најголем непријател, професорот Мориарти.