Денес е денот кога Марти Мекфлај се враќа во иднината: Што погодија во филмот?

Во вториот дел од филмот „Враќање во иднината“ Марти Мекфлај и Докторот, од 1985-та година пристигнуваат во иднината, поточно токму на денешниов датум 21 октомври 2015 година.

Во филмот можеме да сретнеме бројни футуристички претстави за тоа како изгледа животот во 2015-та година - летечки даски за возење, врвки кои сами се врзуваат, дронови кои шетаат кучиња, летечки автомобили и чудни метални шлемови.

Но, колку од овие предвидувања кои се направени во класичниот научно фантастичен филм се точни?

Точни предвидувања:

1. 3D филмови

2. Комуникација со видео повици

3. Брзи оброци од микробранова печка

Погрешни предвидувања:

1. Летечки даски за возење

Една од култните сцени во филмот е кога Марти пристигнува во иднината и краде летечка даска од девојка за да избега од неговиот непријател.

По оваа сцена бројни компании и иноватори тврдат дека дизајнирале таков тип на даски за возење.

Меѓу нив е и Грег Хендерсон кој дизајнирал слична даска именувана како „Hendo Hoverboard“ која емитира магнетни полиња кои меѓусебно се одбиваат, но за да функционира даската мора да постои магнет на површината на земјата.

2. Летечки автомобили

За жал, денес сè уште употребуваме автомобили на тркала.

3. Врвки кои самите се врзуваат

Минатата година ваквите врвки на еден начин станаа реалност, но се далеку од оригиналната замисла во филмот.

Компанијата Nike произведе 1.500 модели на патики со систем на врзување познат како Powerlace. Во овој систем на врзување постојат автоматски компоненти кои овозможуваат прилагодување на чевлата со ногата.