Спонзорирано од:
Спонзорирано од ОгласиЗаРабота.мк


Викенд предлог: Филмови со вкусна храна во главната улога

Филмскиот викенд може да започне. Овојпат, сите љубители на филмовите со готвење и вкусна храна од која ќе ви потечат лиги, може да уживаат во некој од 5-те предлози, кои покрај извонредните приказни, имаат и одличен кастинг и фотографија.

Vikend_predlog_filmovi_so_hrana_1.jpg

Уживајте и имајте добра храна во близина, за секој случај...

Vikend_predlog_filmovi_so_hrana_2.jpg

Ratatouille (2007)

Неодлива приказна за мало слатко глувче, кое се здружува со несреќно момче кое нема поим како функционираат работите во кујна.

Нивното пријателство ќе резултира во создавање вкусни јадења, а анимираниот филм е доказ дека талентот за готвење понекогаш се крие во најнеочекуваните ликови.

Julie &Julia (2009)

Мерил Стрип ја овековечува најпозната американска готвачка Џулија Чајлд на филмското платно. Години подоцна, една сосема обична жена ќе добие идеја да ги направи сите рецепти од нејзиниот популарен готвач и да ги сподели на својот блог.

Две вистински приказни кои се испреплетуваат со омилените автентични вкусови на француската кујна.

Toast (2010)

Ривалството помеѓу синот и неговата маќеа кои се борат за вниманието на таткото ќе експлодира со стотици јадења на кујнската маса, кои ќе ве зашеметат со изгледот и инстантно ќе посакате парче пита со крем.

Филмот е инспириран од вистинската приказна на Најџел Слејтер, писател чија специјалност е токму храната.

The Hundred-Foot Journey (2014)

Хелен Мирен е готвачка со строга професионална етика која се бори за уште една Мишелин ѕвезда со која ќе го закити нејзиниот престижен ресторан. Плановите ќе ѝ ги помати доселувањето на гласното индиско семејство, кое отвара ресторан веднаш спроти нејзиниот.

Емотивна, комична и топла приказна за соништата и успехот.

Burnt (2015)

Бредли Купер ја толкува главната улога во филмот, кој ја следи гастрономската кариера на фиктивниот лик Адам Џоунс.

Откако ќе се најде на дното на листата на професионални готвачи и во животот воедно, Адам се враќа во Лондон со надеж за искупување на своите гревови, враќање на сјајната репутација и отворање на најдобриот ресторан со врвна храна.

(О)Милена | Црнобело

Би можело да ве интересира:

Колку се променија ѕвездите од „Вовед во анатомија“ речиси 20 години по премиерата? Д-р Дерек Шепард е остарен и оседен, но уште го има заводничкиот шарм во себе, а...
10 филмови кои ќе ве расположат (и ќе сакате да ги изгледате уште еднаш) Yes Man со Џим Кери во главната улога или The Intern каде што главниот лик е ста...
Стереотипи од турските серии заради кои секогаш превртуваме очи Сите ликови се нашминкани дури и кога се будат од спиење. Секогаш главните ликов...
Контроверзни моменти од популарни романтични филмови (и серии), кои денес се критикувани „Pretty Woman не е романтична бајка, туку филм за проститутка која станува дама ...
10 филмови кои ја прикажуваат мрачната страна на алчноста за пари и моќ The Wolf of Wall Street е можеби најдобар пример за мрачната страна за желбата з...
10 филмови совршени за топлите летни ноќи (кога не ви се излегува) The Goonies ќе ве врати во безгрижните детски денови, додека Under the Tuscan Su...

Најчитани неделава

sonovnik-sidebar.jpg