Актери кои биле номинирани за Оскар за помалку од 30 минути глума

Да добиете номинација за Оскар не е мала работа, ниту едноставна.

Но, сепак, постојат неколку актери кои се појавиле во филм за помалку време отколку што ви е потребно да си нарачате кафе или храна, а добиле номинација за Оскар, па дури и златна статуетка.

7 такви примери:

1. Никол Кидман

Никол Кидман воодушеви со својот настап како Вирџинија Вулф во филмот „Hours“ и со себе ја понесе наградата за најдобра актерка, а на екраните се појави само 28 минути. Сепак, и тоа беше доволно да ги засени своите колешки Мерил Стрип и Џулиен Мур.

2. Дејвид Нивен

Британскиот актер Дејвид Нивен го освои својот прв и единствен Оскар за најдобар актер за неговата улога од 1958-та година во „Separate Tables“. Во филмот е појави само 16 минути како ветеран кој престојува во приморски хотел во Велика Британија.

3. Џуди Денч

Култната британска актерка сите ги собори на колена со нејзината изведба како студената кралица Елизабета I во „Shakespeare in Love“. И иако во филмот се појавува само 8 минути, Денч ја доби наградата за најдобра споредна женска улога на доделувањето на Оскарите во 1999-та година.

4. Виола Дејвис

Виола Дејвис целосно ја засени Мерил Стрип во „Doubt“, па затоа и заврши со номинација за најдобра актерка во споредна улога на Оскарите во 2009-та година. Таа не ја зема наградата, ама без сомнение ќе остане запаметена заради улогата која ѝ траеше само 8 минути.

5. Ентони Хопкинс

„Silence of the Lambs“ водеше на Оскарите во 1992-та година со победите за најдобар филм, најдобро адаптирано сценарио, најдобар режисер, најдобра актерка и за најдобар актер која припадна на Ентони Хопкинс. Тој во филмот го глуми серискиот убиец Ханибал Лектор и се појавува во филмот само 15 минути.

6. Ен Хатавеј

Ен Хатавеј со себе ја понесе наградата за најдобра актерка во споредна улога во 2013-та година за 15-минутната улога како Фантина во „Les Misérables“.

7. Џаред Лето

Лето го освои Оскарот за најдобар актер во споредна улога за неговата глума во „Dallas Buyers Club“ во 2014-та година како ХИВ-позитивен транссексуалец. Во филмот се појавува само 21 минута.

Н. Г. | Црнобело