Која серија на Netflix е прогласена за најдобра и ги победи Stranger Things, The Crown и Peaky Blinders?

Изненадувачки, станува збор за серија од германско говорно подрачје. Научно-фантастичната мистерија со име DARK е изгласана за најдобра оригинална ТВ серија, што значи дека вреди да подготвите пуканки, да седнете и да ја изгледате во еден здив, доколку веќе не сте го сториле тоа.

Приказната се одвива во мало германско гратче во коешто исчезнуваат три деца и повлекуваат низа настани кои се меѓусебно испреплетени во еден вид на мрежа.

Чудните работи се случуваат во мистериозната шума. Темната пештера води до портал со чија моќ се патува низ времето, во неколку различни декади.

DARK има исклучително комплексна линија на развој на настаните и дефинитивно не е серија за опуштање или некоја во којашто при гледањето може да прошетате до кујната и да се вратите без да стиснете пауза. Бидејќи верувајте, ќе пропуштите многу, макар и за неколку секунди.

Одличното сценарио, глума и елементот на мистерија придонесоа истата да биде крунисана за најдобра оригинална ТВ серија на Netflix според гласовите на сајтот Rotten Tomatoes.

Повеќе од 2 милиони корисници гласале, а во изборот се нашле 64 серии во продукција на Netflix. Очигледно е дека конкуренцијата била голема, но DARK ги победи и The Crown, Mindhunter, Peaky Blinders па дури и огромниот хит со слична тематика, Stranger Things.

На 27 јуни се очекува премиерата на третата сезона, која воедно ќе биде и последна.

Дали сте ја погледнале DARK досега и дали се согласувате со победничкиот избор?

(О)Милена | Црнобело