„Заробени во истиот ден“ – 10 филмови чии главни ликови го преживуваат истиот ден, одново и одново

Овој тип на филмови ни се особено интересни, бидејќи секогаш на поинаков начин се доловува идејата на самата приказна. Нормално, во списокот го вклучивме неизбежниот „Денот на мрмотот“ (Groundhog Day), како и најновиот „Palm Springs“ со Енди Самберг во главната улога.

Изборот вклучува акција, драма, хорор и секако комедија со доза романтика:

Palm Springs

Најлс го преживува истиот ден, одново и одново, заглавен на една свадба, со девојката која не може да ја поднесе. Сè се менува во моментот кога своето внимание ќе го насочи кон Сара, сестрата на невестата.

Edge of Tomorrow

Генералот Вилијам Кејџ е заглавен во истиот ден, кој мора да го преживува одново и одново, додека се обидува да ја спаси планетата Земја од вид на вонземјани кои се обидуваат да ја уништат.

Dead End

Божиќна вечер. Френк Харингтон со семејството обидува да стигне кај семејството на својата сопруга за празникот. За првпат во 20 години решава да испроба скратен пат до нивниот дом, што се покажува како огромна грешка.

Before I Fall

Саманта Кингстон има сè што би посакала една млада девојка: совршено момче, прекрасни пријатели и популарност во училиштето. Но таа ненадејно доживува автомобилска несреќа. На нејзино изненадување, утредента се буди и повторно го преживува истиот ден одново до несреќата.

Happy Death Day

Тереса Гелбман е студентка која се буди одново и одново, заглавена во истиот ден, додека мистериозен убиец со маска не ја убие. Таа е решена да го пронајде вистинскиот убиец зад маската со надеж дека ќе го преживее денот.

Продолжува на следната страна...