Нема да можете да престанете со гледање: 7 лимитирани ТВ мини серии од 2020

Доколку не сте обожаватели на серии со премногу сезони и уште повеќе епизоди, „лекот“ за вас се лимитираните ТВ серии. Барем знаете дека набрзо ќе успеете да го видите крајот на серијата.

За нетрпеливите, тука се овие 7 лимитирани ТВ серии од 2020 кои публиката ги обожава:

The Undoing

Грејс е психотерапевт која навидум има совршен живот, сопруг кој ја обожава и син кој го сака најмногу на светот. Животот на Грејс се превртува наопаку со неочекуван развој на настаните кои ја вклучуваат новата мајка во училиштето.

The Queen’s Gambit

Бет Хармон е сирак која крие неверојатен талент. Таа е надарена за шах. Толку многу што може очигледно да ги победи и најдобрите велемајстори во светски рамки. Но, нејзините зависности полека ѝ се испречуваат на патот кон успехот и славата.

https://www.youtube.com/watch?v=CDrieqwSdgI

Little Fires Everywhere

Шејкер Хајтс е совршеното, идилично место за живот, а семејството Ричардсон се како „од разгледница“. Со доаѓањето на Миа, уметница и нејзината ќерка Перл, животот на навидум совршеното семејство почнува полека да се распаѓа.

https://www.youtube.com/watch?v=JWGkX8ClhBI

The Outsider

Работена според познатата новела на Стивен Кинг, ТВ серијата опфаќа истрага која навидум се одвива непречено и едноставно, а води до свирепо убиство на мало момче.

Quiz

Чарлс Инграм, поранешен офицер во британската армија, освојува 1 милион фунти на популарниот ТВ квиз „Кој сака да биде милионер?“ Но, дали неговата победа е заслужена?

Stateless

Животите на бегалец од култ, доселеник, канцелариски работник и бирократ се испреплетуваат во центарот за имиграциски притвор.

Interrogation

Го следи распитот на млад човек кој е обвинет и на крајот осуден за бруталното убиство на неговата мајка.

(О)Милена | Црнобело