Марго Роби - уметничко лизгање: Актери кои изучија цела професија за потребите на филм

Бредли Купер учел да готви од професионален готвач, Роберт Де Ниро работел како таксист низ Њујорк, а Киану Ривс два месеца одел на часови по сурфање.

Актерите имаат можност да ја искусат секоја професија – некогаш глумат пилоти, некогаш научници, некогаш продавачи, некогаш музичари…

А, ако работата на ликот што го глумат е важна во дејството, тие се посветуваат до тој степен, што ја изучуваат целата професија или занает.

Погледнете кои актери и актерки изучиле цела професија за потребите на филм:

Бредли Купер – Burnt

Во филмот Burnt, Бредли Купер глуми готвач и ако сте го изгледале филмот, сигурно сте биле воодушевени од неговата изведба. За да се подготви за улогата, актерот цел месец тренирал со професионален готвач кој е сопственик на ресторан со Мишелин ѕвезда.

Иако актерот знаел да готви и претходно, тој изјави дека воопшто не му било лесно да ги совлада вештините потребни за филмот.

А, готвењето толку многу му се допаднало, што продолжил да ги применува техниките и во приватниот живот. Бредли сподели дека почнал да одгледува и мала градина за секогаш да има свеж зеленчук при рака кога готви.

Адам Драјвер – Paterson

Адам Драјвер глуми поет и возач на автобус во филмот Paterson. Актерот самиот инсистирал да научи да вози градски автобус за снимањето да се одвива полесно и подобро да влезе во улогата.

Адам учел да вози автобус околу два месеци, а за целото искуство изјави:

„Возењето низ Њујорк и онака е тешко, а возењето автобус е вистински кошмар“.

Киану Ривс – Point Break

Во Point Break главните улоги им припаѓаат на Киану Ривс, Лори Пети и Патрик Свејзи, а од нив само Свејзи имал искуство со сурфање.

Бидејќи главната тема во филмот е сурфањето, Киану Ривс заедно со двајцата колеги бил испратен на Хаваи, каде што учел да сурфа од професионалец.

Целата обука траела два месеци и сигурно не било воопшто лесно – Свејзи скршил четири ребра. Киану, пак, толку се вљубил во спортот, што продолжил да сурфа до денес.

Роберт Де Ниро – Taxi Driver

Изведбата во Taxi Driver е една од најдобрите на де Ниро, а актерот многу се потрудил за тоа. За подобро да се соживее со улогата на таксист, Де Ниро извадил лиценца и навистина работел како таксист низ Њујорк, во период од еден месец.

Пред неколку години, во јавноста се појави и фотографија од неговата лиценца за таксист.

Продолжува на следната страница...