Cult Shorts - нов вид филмски фестивал и нова платформа за кратки филмови

Cult Shorts e нов вид филмски фестивал, инспириран од потребата за инвентивен пристап во дистрибуцијата на кратките филмови.

cult-shorts-nov-vid-filmski-festival-i-nova-platforma-za-kratki-filmovi-01.jpg

Филмаџиите вложуваат многу љубов и напорна работа во своите проекти и заслужуваат повеќе од една сезона на фестивалски проекции. Живееме во време кога бројот на одлични кратки филмови расте секоја година, сепак, овие филмови се борат повеќе од било кога да допрат до публика. Големиот број на филмови доставени на големите филмски фестивали и ограничените слотови за програмирање значат дека многу одлични филмови никогаш нема да ја видат светлината на денот.

Од друга страна, онлајн премиерата овозможува потенцијален достап до милионска публика, но многу филмски автори во нашиот дел од Европа, сеуште не се свесни колку важна е дистрибуцијата пред широката публика и по неколку прикажувања во кино салони, често нивните кратки филмови остануваат заборавени во некоја папка на десктопот. Ние ја создадовме платформата токму со цел да ги собереме сите тие прекрасни филмови и да им дадеме постојан достап до публика.

Но нашата концепција не завршува овде. Од лично искуство со нашите краткометражни филмови кои имаа голема гледаност онлајн, се инспириравме да ја создадеме награда за CULT SHORT OF THE YEAR со која ќе биде награден најгледаниот филм на нашата платформа, а сите 35 финалисти, ќе бидат поканети на физичкото издание на фестивалот во Делчево.

За нас краткиот филм не е само неизбежен чекор кон полнометражен, туку неверојатна форма на кино расказ што заслужува да се цени сама по себе, затоа што тој е вистински инкубатор на идеи, и благодарение токму на кратката форма, дава можност за одлично експериментирање со наратив и стил.

Како филмаџии, ние силно веруваме во влијанието на независното кино. Ние веруваме дека филмовите можат да нè научат едни за други, веруваме дека киното ќе го направи светот подобро место. Но, за да го сториме тоа, независниот филм треба да може да допре до повеќе луѓе.

Додека авторскиот филм сè уште може да стигне до кината во поголемите градови преку утврдените филмски фестивали, ситуацијата во многу мали градови низ Европа е дека кино-културата целосно умира. Со тоа што кината стануваат составен дел од трговските центри каде што се прикажуваат скоро исклучиво блокбастер американски филмови, старите кина и културата што ја носеа порано, сега тонат во распаѓање и заборав. Во Македонија денес само постарите луѓе со носталгија се сеќаваат на воздишките во кино-салонот, додека младите генерации дури не го познаваат чувството да гледаат филм на големото платно.

Повеќе за CULT SHORTS можете да дознаете на: веб-сајтот, YouTube, Vimeo, Инстаграм и Фејсбук.

Би можело да ве интересира:

„Го гледав филмот Тома - ремек дело, емоција, не можам да се соземам, уште гуглам за него“ Совршен филм на кој сум плачела како никогаш досега – зошто не можам да престана...
Фото-споредба: Актерите од божиќниот филм Love Actually - некогаш и денес Светкави улички, накитени елки, декорирани домови и љубов која зрачи насекаде на...
Натали Портман стравувала за животот, Хоакин Феникс мислел дека полудува – Актерите искрени за нивни... На Адриен Броди му биле потребни шест месеци за да се соземе од снимањето на The...

Најчитани неделава

sonovnik-sidebar.jpg