Сите зборуваат за новата серија на Кејт Винслет – Mare Of Easttown + 5 други возбудливи и напнати серии од истиот жанр

Славната актерка отворено и храбро изјави дека не сака дигитално да ѝ се намалува стомакот во текот на секс сцените во најновата серија Mare Of Easttown. Кејт Винслет ги живее своите ѕвездени моменти со најновата лимитирана ТВ серија во продукција на HBO, а ја толкува улогата на Меир Шиан, детективка која го истражува локалното убиство на млада девојка.

Серијата во моментот има рејтинг од 8.6 на Imdb, а критичарите како и гледачите не престануваат со низата пофалби на сметка на брилијантната изведба на Кејт, како и комплексно изградените ликови и сценариото.

Доколку сте расположени за напнати и возбудливи ТВ серии со заплеткани дејствија и комплексни ликови, ги имаме следните предлози за вас:

Mare Of Easttown

https://www.youtube.com/watch?v=bm7RmpzCeyk

The Fall

Интелигентна, навидум ладнокрвна детективка, но полна со страст и ентузијазам за работата, се соочува со опасен сериски убиец надвор од Белфаст. Единственото нешто што го делат е нивната комплексност.

The Killing

Полициската истрага, сагата за едно семејство обвиено во тага и кампањата за градоначалник на Сиетл се меѓусебно поврзани откако телото на 17-годишната Роузи Ларсен е пронајдено во багажникот на потопен автомобил.

The Night Of

Назир Кан е младо момче кое ѝ дава превоз на мистериозна, млада жена со која продолжува на забава кај неговиот пријател. Кога таа е пронајдена мртва, тој е првоосомничениот и мора да ја докаже својата невиност.

Sharp Objects

Новинарката Камил Прикер се враќа во нејзиниот роден град за да го истражува убиството на две млади девојки. Таа е принудена да се соочи со минатото и да се справи со сопствените демони.

https://www.youtube.com/watch?v=DgljcMqPG98&ab_channel=HBO

The Sinner

Зошто навидум обичните и нормалните луѓе се вмешани во низа брутални и бизарни криминални дејствија? Детективот Хари Емброус е во центарот на овие случувања, во обидот да ги пронајде вистинските злосторници.

(О)Милена | Црнобело