Најочекуваните филмови од првата половина на 2021 – дали ги исполнија критериумите на публиката?

Respect

Драмата која ја следи вистинската приказна на Арета Френклин, од мало девојче кое пее во хорот на татка си, до интернационална суперѕвезда, ќе ви го разнежи срцето со прекрасниот глас и познатите хитови на соул дивата. Апсолутен фаворит за ова лето.

F9

Деветтото продолжение на сагата за „Брзи и бесни“ за жал ги изневери очекувањата на публиката. Иако франшизата и претходно ги поместуваше границите на реалноста и невозможното, овој пат сепак се претера. Во новиот дел, минатото се враќа да го прогонува Дом и неговото семејство кое води прилично изолиран живот на фарма.

Army of the Dead

Многу позабавен и поинтересен отколку што се очекуваше. Во Лас Вегас се случува зомби напад, а група на најмени платеници се обидуваат да се инфилтрираат во градот, со цел да украдат многу пари од добро заклучен сеф. Но, дали тоа е вистинската мисија?

Nobody

Акција во вистинска смисла на зборот која позитивно ги изненади сите. Маж кој се обидува да ѝ помогне на една жена во неволја, неочекувано се вплеткува во играта со опасен криминалец низ мрачен лавиринт од која навидум нема излез.

Judas and the Black Messiah

Неверојатен во секоја смисла на зборот, од сценарио, до кастинг и режија. Вилијам О’Нил добива понуда од ФБИ за помилување, но мора да се инфилтрира во огранокот на опасните Black Panthers во Илиноис со цел да добие информации за водачот Фред Хемптон.

(О)Милена | Црнобело