Натали Портман стравувала за животот, Хоакин Феникс мислел дека полудува – Актерите искрени за нивните најтешки улоги

На Адриен Броди му биле потребни шест месеци за да се соземе од снимањето на The Pianist, а Натали Портман неколкупати помислувала дека ќе умре додека траело снимањето на Black Swan.

natali-portman-stravuvala-za-svojot-zhivot-hoakin-feniks-mislel-deka-poluduva-shto-velat-akterite-za-nivnite-najteshki-ulogi-01.jpg

Кога се подготвуваат за сериозна улога, холивудските актери целосно се внесуваат во ликот што го глумат, но неретко ова има големи последици врз нив во приватниот живот.

Некогаш актерите изгладнуваат за драстично да ја намалат тежината, некогаш почнуваат да се соживуваат со приказната на нивните ликови и нивното ментално здравје страда, а некогаш им е тешко да се вратат во реалноста и да се стабилизираат и по неколку месеци откако ќе заврши снимањето.

Што велат познатите холивудски актери и актерки за нивните најтешки улоги?

Хоакин Феникс во Joker

За потребите на филмот, актерот мораше да ослаби околу 20 килограми, а овој предизвик му создал проблеми и со менталното здравје.

„Штом ќе се доближите до посакуваната тежина, сè се менува. Едно од најтешките нешта е да се будите секој ден и да бидете опседнати со 1 килограм што ви останал. Сето ова создава нарушувања. А, драстичното слабеење има влијание и врз вашата психа. Почнувате да полудувате“.

natali-portman-stravuvala-za-svojot-zhivot-hoakin-feniks-mislel-deka-poluduva-shto-velat-akterite-za-nivnite-najteshki-ulogi-02.jpg

Мајкл Б. Џордан во Black Panther

За да се подготви за улогата, Џордан вели дека целосно се изолирал од светот, но направил грешка бидејќи не направил стратегија со која ќе се врати во нормала по снимањето.

„Ми беше особено тешко да се привикнам на луѓето што се грижат за мене, повторно да станам отворен за нивната љубов. Се изолирав од љубовта, не ја сакав. Сакав да бидам на моето осамено место што е можно подолго“.

На крај, актерот сфатил дека мора да преземе нешто за да не му се влоши ситуацијата, па почнал да оди на психијатар по што се вратил во нормала.

natali-portman-stravuvala-za-svojot-zhivot-hoakin-feniks-mislel-deka-poluduva-shto-velat-akterite-za-nivnite-najteshki-ulogi-03.jpg

Кејт Винслет во The Reader

Ликот на Кејт во The Reader е поранешна вработена во нацистички логор, а на актерката не ѝ било воопшто лесно да се справи со улогата.

„Уште пробувам да се помирам со целото искуство. Кога завршивме со снимање излегов од сетот како жртва на некоја трагедија која не е повредена однадвор, но никако не можев да зборувам за тоа. Бев преплавена со емоции. Бев во еден вид транс. Всушност, уште пробувам да се помирам. Филмот ме остави без зборови“.

natali-portman-stravuvala-za-svojot-zhivot-hoakin-feniks-mislel-deka-poluduva-shto-velat-akterite-za-nivnite-najteshki-ulogi-04.jpg

Натали Портман во Black Swan

Оваа улога била мошне исцрпувачка за Натали - и физички, и психички.

„Тогаш првпат сфатив што значи тоа да се изгубиш во улогата до тој степен што може да те уништи“.

За филмот Натали мораше и драстично да ослаби – нешто што ѝ предизвикало дополнителни проблеми, а извесен период по снимањето размислувала да оди и на рехабилитација.

„Имаше ноќи кога буквално мислев дека ќе умрам“.

natali-portman-stravuvala-za-svojot-zhivot-hoakin-feniks-mislel-deka-poluduva-shto-velat-akterite-za-nivnite-najteshki-ulogi-05.jpg

Продолжува на следната страница...



Би можело да ве интересира:

Ен Хатавеј, Хит Леџер – познати актери кои добија Оскар за само неколку минути глума во филмот Ен Хатавеј освои Оскар за најдобра женска споредна улога со изведбата во Les Mis...
10 биографски филмови што мора да ги изгледате барем еднаш The King's Speech е одличен и забавен филм што ги прикажува проблемите со пелтеч...
Што мислат познатите личности за филмовите направени според нивните животи? Додека Џулијан Асанж отворено го критикуваше The Fifth Estate, Стивен Хокинг зап...

Најчитани неделава

sonovnik-sidebar.jpg