Што мислат познатите личности за филмовите направени според нивните животи?

Додека Џулијан Асанж отворено го критикуваше The Fifth Estate, Стивен Хокинг заплакал кога го изгледал The Theory of Everything.

shto-mislat-poznatite-lichnosti-za-filmovite-napraveni-spored-nivnite-zhivoti-01.jpg

Неизбежно е за скоро секоја влијателна личност да се направи филм. Без разлика дали оваа личност направила добро или лошо, штом станува збор за нешто големо, кога-тогаш можеме да очекуваме филм.

Додека ние можеме да дебатираме само за тоа дали филмот е добар или лош, овие луѓе ги гледаат од сосема поинаква перспектива бидејќи, сепак, станува збор за нивните животни приказни.

Тие најдобро знаат кои детали од филмовите се вистина, а кои лага, и дали се претставени како личноста којашто се.

Па, што мислат познатите личности за филмовите инспирирани од нивните животи:

Марк Закерберг – The Social Network

На Марк не му се допаднал филмот бидејќи кога почнал да го прави Фејсбук, тој веќе бил во врска со неговата сегашна сопруга Присила. Во филмот, Марк прво ја прави социјалната мрежа како алатка за рангирање девојки од неговиот факултет. Тој вели и дека во филмот имало многу лажни детали.

shto-mislat-poznatite-lichnosti-za-filmovite-napraveni-spored-nivnite-zhivoti-02.jpg

„Мислам дека во реалноста пишувањето код и градењето компанија не е доволно гламурозно за да се направи филм од тоа, па можете само да замислите колку работи си имаат измислено за да го направат филмот интересен“, изјави милијардерот.

Стивен Хокинг – The Theory of Everything

На познатиот физичар навистина му се допаднал филмот инспириран од неговиот живот. Според актерот што го глумеше Стивен, на физичарот не само што му се допаднал филмот, туку на крај и заплакал.

shto-mislat-poznatite-lichnosti-za-filmovite-napraveni-spored-nivnite-zhivoti-3.jpg

Имено, тој го опишал филмот како „многу реален“, а испратил и мејл до филмската екипа за да им го каже тоа.

„Ни напиша мејл и ни кажа дека во некои мигови мислел дека се гледа самиот себеси“, изјави режисерот Џејмс Марш.

Џордан Белфорт – The Wolf of Wall Street

Познатиот брокер бил воодушевен од изведбата на Леонардо Дикаприо и вели дека речиси сите детали од неговиот живот се одлично прикажани во филмот.

shto-mislat-poznatite-lichnosti-za-filmovite-napraveni-spored-nivnite-zhivoti-4.jpg

„Останав без зборови од Лео. Од начинот на којшто ја доловуваше мојата енергија, особено кога продаваше нешто или држеше говор. Тој не го имитираше мојот глас, туку моите манири и гестикулации“.

Џулијан Асанж – The Fifth Estate

Наводно, Асанж многу се противел на идејата да се направи филм инспириран од неговата приказна. Кога сепак не го послушале, решил да му напише писмо на Бенедикт Камбербач – актерот кој го глуми него во The Fifth Estate.

„Верувам дека ти си добра личност, но не верувам дека овој филм е добар. Не верувам дека ќе биде позитивен за мене или за луѓето за коишто се грижам“.

shto-mislat-poznatite-lichnosti-za-filmovite-napraveni-spored-nivnite-zhivoti-05.jpg

На Асанж толку не му се допаѓала идејата, што преку WikiLeaks го објави сценариото, заедно со есеј во којшто го критикува филмот. Според есејот, филмот е полн со невистинити факти и е опишан како „многу лош“.

Моли Блум – Molly’s Game

Одличниот филм што ја раскажува приказната за таканаречената „Кралица на покерот“ ѝ се допаднал и на самата Моли.

shto-mislat-poznatite-lichnosti-za-filmovite-napraveni-spored-nivnite-zhivoti-06.jpg

Во интервју, Моли ја опиша изведбата на Џесика Честејн како брилијантна.

„Јас сум огромен фан на филмот. Навистина е многу добар“.

Британското кралско семејство – The Crown

Не е познато колку членови од семејството ја изгледале хит-серијата, но изгледа не се воопшто среќни за начинот на којшто се прикажани во неа.

shto-mislat-poznatite-lichnosti-za-filmovite-napraveni-spored-nivnite-zhivoti-07.jpg

Наводно, според некои од нив голем дел од настаните во серијата се измислени и ги прикажуваат во многу лошо светло. Истовремено, портпаролите на кралското семејство неколкупати нагласуваат дека никој од семејството не дал дозвола да се снима таа серија и никогаш не биле прашани за тоа.

Сепак, креаторите на серијата и самите истакнуваат дека дел од настаните се измислени.

Принцот Хари, пак, во интервју со Џејмс Корден изјави:

„Многу повеќе сакам да ја гледам The Crown отколку да ги читам приказните што се пишуваат за моето семејство, мојата сопруга и мене“.

Елтон Џон – Rocketman

Елтон Џон самиот соработуваше со филмската екипа, па не е ни чудно што бил воодушевен од крајниот резултат. Имено, најмногу му се допаѓало што филмот брутално искрено ги прикажува неговите проблеми со зависностите и сексуалноста.

shto-mislat-poznatite-lichnosti-za-filmovite-napraveni-spored-nivnite-zhivoti-08.jpg

„Кога го гледав Тарон (актерот што го глуми него) не гледав во него – гледав во мене. А кога го слушав неговиот глас, како да се слушав себеси. Филмот е токму како мојот живот: хаотичен, смешен, луд, брилијантен и мрачен“.

Спирова С. | Црнобело

Би можело да ве интересира:

Ен Хатавеј, Хит Леџер – познати актери кои добија Оскар за само неколку минути глума во филмот Ен Хатавеј освои Оскар за најдобра женска споредна улога со изведбата во Les Mis...
10 биографски филмови што мора да ги изгледате барем еднаш The King's Speech е одличен и забавен филм што ги прикажува проблемите со пелтеч...
Најтажната сцена на која сите плачат во „Тома“ е измислена и уште 5 невистини прикажани во филмот Песната „За Љиљану“ е посветена на позната српска актерка, а менаџерот Дрда не п...

Најчитани неделава

sonovnik-sidebar.jpg