Спонзорирано од:
Спонзорирано од ОгласиЗаРабота.мк


10 филмови што ќе ве држат во неизвесност до крај и ќе ве остават без зборови (ќе сакате да ги гледате вторпат)

Arrival, Tenet и Moon се филмови чии пресврти тешко дека ќе ги предвидите и кои сигурно ќе сакате да ги погледнете уште еднаш за да ги разберете подобро.

10-filmovi-shto-kje-ve-ostavat-bez-zborovi-i-kje-sakate-da-gi-izgledate-ushte-ednash-01.jpg

Изминатава деценија најпопуларни се акционите филмови кои генерално се потпираат на сцените со бркање, пукање и тепање и обично немаат некое комплицирано дејство.

Ваквите филмови се одлични кога само сакате да се релаксирате и да го одморите мозокот.

Но, ако сакате филм со одлична приказна, непредвидливи пресврти и дејство што ќе ве држи во неизвесност до самиот крај, тогаш сте на вистинското место.

Следниве 10 филмови дефинитивно ќе ве остават без зборови:

The Truman Show

Труман Бурбанк ја има главната улога во најпопуларното реално шоу во светот, но тој не е ни свесен за тоа.

Од моментот кога се родил, јавноста го следи секој негов чекор и сите луѓе во неговиот живот се всушност актери. Градот во којшто живее Труман е само еден огромен, односно најголемиот сет за снимање во светот.

The Truman Show е филм кој ќе ве натера да се ставите во положбата на главниот лик и да се запрашате дали она што му се случува е воопшто хумано.

Arrival

Научно-фантастичното ремек-дело е многу повеќе од приказна за средба со вонземјани.

Кога на Земјата слетуваат неколку вонземски летала, на властите им станува јасно дека тие сакаат да комуницираат со човештвото. Па, врвните лингвисти од целиот свет имаат задача да го протолкуваат нивниот јазик.

Но, оваа задача не е воопшто лесна бидејќи овие вонземјани не го перципираат времето линеарно како нас, а тоа се одразува и врз нивниот јазик.

Дејството на филмот го следи искуството на позната лингвистка и нејзините обиди да го протолкува јазикот на вонземјаните, како и дел од нејзината животна приказна.

А, сигурни сме дека ништо нема да ве подготви за големиот пресврт.

The Sixth Sense

Малиот Кол има проблеми со психичкото здравје кои потекнуваат од фактот дека може да гледа мртви луѓе. Кол е како медиум помеѓу овој и „другиот“ свет и пробува да се справи со она што го гледа.

На помош му доаѓа детскиот психијатар Малколм Кроу кој се обидува да го разбере и сфати.

И овој филм има пресврт кој дефинитивно ќе ве остави без зборови.

Memento

Главниот лик Ленард има вид амнезија поради што ниту еден настан од неговиот живот не му останува во сеќавање. Поради ова, тој користи разни потсетници – од белешки во неговиот дом, па сè до тетоважи – со цел да знае што правел претходниот ден или пред неколку часа.

Последното сеќавање на Ленард е убиството на неговата сопруга, па тој е на мисија да го најде нејзиниот убиец.

Интересно е што дел од сцените во филмот не се хронолошки подредени и на почетокот ќе ви биде тешко да го следите, но штом ќе стигнете до крајот, сите делчиња ќе се вклопат и ќе ви се разјасни целата приказна на Ленард.

Fight Club

Главниот лик не е воопшто задоволен од неговиот живот, кога запознава необичен маж по име Тајлер.

Преку него, тој станува дел од подземен клуб – тепачки клуб (fight club) – кој набрзо ескалира во терористичка организација и почнува да организира напади.

Уште еден филм со неочекуван пресврт пред самиот крај кој сигурно ќе ве остави без зборови.

Продолжува на следната страница...



Би можело да ве интересира:

Контроверзни моменти од популарни романтични филмови (и серии), кои денес се критикувани „Pretty Woman не е романтична бајка, туку филм за проститутка која станува дама ...
Хали Бери не се туширала, Кристијан Бејл јадел живи црви: Одвратни работи што актерите ги направиле ... За да го долови очајот на неговиот лик на затвореник во Rescue Dawn, Кристијан Б...
10 серии со непредвидливи пресврти (поради кои ќе сакате да ги изгледате уште еднаш) Популарната Squid Game, но и Behind Her Eyes – серија чиј крај никогаш не би го ...
10 филмови кои не добија Оскар, но дефинитивно го заслужија Иако No Country for Old Men е одличен филм и си го заслужи Оскарот, истото може ...
10-те најгледани филмови на Нетфликс за 2024-та досега Новиот научнофантастичен филм на Џеј Ло, како и морничавиот шпански филм снимен ...
Амнезија, заменети бебиња: „Омилените“ клишеа од сапуниците со кои пораснавме „Кога одеднаш ќе се појави сестра или брат за кои никој не знаел. Уште полошо ак...

Најчитани неделава

sonovnik-sidebar.jpg