Спонзорирано од:
Спонзорирано од ОгласиЗаРабота.мк


5 турски серии на Нетфликс кои се поразлични од оние кои ги гледаме на малите екрани

Многумина секојдневно слободното време го поминуваат пред малите екрани и уживаат во некоја турска серија чија приказна е заплеткана со многу злосторства, семејни драми, неправди, но и многу љубов и згодни протагонисти. Но, што ако не сте расположени за драма и плач? Нудиме поинакви турски серии...

5-turski-serii-na-netfliks-koi-se-porazlichni-od-onie-koi-gi-gledame-na-malite-ekrani-01.png

Сепак, има некои серии кои моментално не се популарни на малите екрани, но затоа стриминг-платфoрмата Нетфликс е тука за нас и ни ги споделува, а ние сме спремни да ги изгледаме.

Погледнете ја нашата листа:

Midnight at the Pera Palace - Полноќ во палатата Пера

Историја, мистерија, патување низ времето и средба со Мустафа Кемал Ататурк. Звучи интересно, нели?

Серијата започнува во прекрасниот Истанбул кога амбициозната репортерка Есра се обидува да се прослави на нејзината сегашна позиција.

Задолжена да пишува за познатата палата Пера, Есра добива поголема приказна отколку што некогаш можела да очекува.

46

Дали сакате мистериозни серии со чуден заплет? Серијата 46 е точно тоа! Овој психолошки трилер зборува за еден професор по генетика кој сака да ја извлече својата сестра од долгогодишна кома, користејќи лек што неодамна го открил. Но, ова откритие му го менува животот на неочекуван начин.

Yakamoz S-245 - Јакамоз С-245

Приказната започнува кога еден инструктор за нуркање треба да се приклучи во истражувачка мисија на подморница.

Меѓутоа, еден ден кога сончевите зраци ќе почнат да ги убиваат луѓето кои се на копното, инструкторот и неговата научна екипа се присилени да ја напуштат истражувачката мисија и да се качат на воено подвозје за да преживеат.

Додека тие се обидуваат да сфатат што се случува на копното, како и која е вистинската мисија на военото подвозје, се појавуваат тензии помеѓу екипажот, а што навистина се случува со Сонцето и со Земјата, можете да откриете сами!

Graveyard - Гробишта

Приказната на оваа серија се врти околу злосторствата извршени врз жени и девојки во Турција. Поголемиот дел од серијата се одвива во мрачен подрум, каде специјална единица работи на разрешување на многу нерасчистени убиства.

Морничава и вознемирувачна серија чија цел е да ја подигне општествената свест за насилството врз жените.

Love 101 - Љубов 101

Знаеме дека ништо не може да ги замени „Млади бунтовници“, но ако ви недостигаат, тогаш треба да ја погледнете оваа забавна серија. 

Приказната е сместена во 1999 година и раскажува за група тинејџери кои се обидуваат да ја спречат нивната сакана учителка да го напушти градот.

Како ќе го направат тоа? Откријте сами! Имаат навистина одличен план!

 М. Г. | Црнобело

Би можело да ве интересира:

10 филмови во кои славните актери и глумеле и биле режисери Во филмот што го режираше Анџелина Џоли, глумеше и нејзиниот тогашен сопруг, Бре...
10 мини-серии на Нетфликс што се гледаат во еден викенд Љубителите на хорор треба да ја изгледаат The Fall of the House of Usher, додека...
10 (мини) серии на HBO Max, совршени за продолжен викенд Српската „Сабља“ или The Penguin за оние кои ја сакаат помрачната верзија на Бет...
Контроверзни моменти од популарни романтични филмови (и серии), кои денес се критикувани „Pretty Woman не е романтична бајка, туку филм за проститутка која станува дама ...
Тврдат дека татко им ги силувал како момчиња, па затоа го убиле – Кои се браќата Менендез за кои Нет...  „Ме тераше да го масирам и орално да го задоволувам“ – тврдеше Ерик Мененд...
10 популарни серии кои (ќе) имаат нови сезони во 2025-та The White Lotus, The Handmaid"s Tale, Black Mirror – дел од најпопуларните серии...

Најчитани неделава

sonovnik-sidebar.jpg