За првпат полничка хероина во Дизни филм: Слатка плус-сајз балерина, наместо фит принцеза

Полничката балерина Бјанка постојано чувствува несигурност кога учителката по танц и вели: „Собран стомак, истегнат врат!“ Краткиот анимиран филм е фокусиран на телесната дисморфија – ментална состојба од која страдаат многу девојчиња, па и жени. Дизни со потег за пофалба, нели?

Дизни сними краток анимиран филм во кој за првпат главна улога има плус-сајз хероина, односно фокусот во филмот „Reflect“ e на слатката, полничка балерина Бјанка.

Бјанка се бори со тоа да ја прифати сопствената рефлексија во огледалото и да го надмине стравот и несигурноста за да дојде до израз нејзината внатрешна сила, грациозност и моќ.

Краткиот анимиран филм ќе биде дел од серијалот експериментални филмови на Дизни, кои се фокусираат сликата за нашите тела и на важноста на развивање на самодоверба.

Бјанка постојано чувствува несигурност кога учителката по танц ѝ вели: „Собран стомак, истегнат врат!“

Фокусот е на телесната дисморфија, ментално нарушување кога личноста минува многу време грижејќи се за маните во својот изглед, кои другите не ги ни забележуваат.

Дел од коментарите за филмот се многу охрабрувачки, а еден од нив гласи:

„На 16-годишната јас ѝ е потребен овој филм, затоа што тогаш се откажав од часовите по балет, затоа што не сакав повеќе да бидам единствената дебела девојка таму. Мило ми е за снимањето на овој филм на Дизни, чиста 10-ка!“

Потег за пофалба, зарем не?

Прочитајте и Што е телесна дисморфија и кои познати личности страдаат од оваа состојба?

С. С. | Црнобело