10-те најдобри акциони филмови од 21-ви век

Taken на морничав начин прикажува колку е лесно да станете жртва на трговија со луѓе, додека John Wick веќе се смета за најдобриот акционен филм на 21-ви век.

Не залудно акционите филмови се секогаш најпопуларни.

Покрај акцијата што ги први возбудливи, кога се во комбинација со добра приказна и одлична актерска екипа, овие филмови се навистина забавно искуство.

Во продолжение, 10-те најдобри филмови од овој жанр од 21-ви век:

Taken

Дејството на филмот на морничав начин прикажува колку е лесно една личност да стане жртва на трговија со луѓе.

Главниот лик е пензиониран агент на ЦИА чија ќерка е киднапирана за време на патување во Париз. Користејќи го неговото искуство, тој оди во Европа со надеж дека ќе ја најде.

Филмот има и две продолженија – Taken 2 и Taken 3.

John Wick

Кратко по премиерата, John Wick беше прогласен за најдобриот акционен филм на 21-иот век – и од гледачите, и од критичарите.

Главниот лик (Киану Ривс) е пензиониран платен убиец и вдовец. Откако група руски гангстери ќе му го убијат кучето што го добил од починатата сопруга, тој ѝ се враќа на старата професија.

Филмот има три продолженија – John Wick: Chapter 2, John Wick: Chapter 3 и John Wick: Chapter 4.

Kingsman: The Secret Service

Кingsman e можеби најзабавниот филм на листата и претставува одличен спој на акција и комедија.

Дејството се фокусира на шпионска организација која регрутира младо момче како дел од тренинг програмата.

Во меѓувреме, луд генијалец има план кој претставува закана за целиот свет.

И овој филм има две продолженија – Kingsman: The Golden Circle и The King’s Man.

Edge of Tomorrow

Напната научно-фантастична акција со Том Круз во главната улога, која дефинитивно ќе ве држи во неизвесност до самиот крај.

Главниот лик е војник кој се бори против вонземјани кои ја нападнале земјата. Но, секојпат кога ќе умре, се буди и одново го доживува истиот ден и истата битка со вонземјаните.

Children of Men

Дејството на филмот е сместено во 2027 година, а човештвото е на раб на истребување бидејќи две децении сите луѓе се неплодни.

Додека во целиот свет владее хаос, една девојка останува бремена и со помош на поранешен активист пробува да најде засолниште со надеж дека ќе го спаси човештвото.

Продолжува на следната страница...