Забавни факти за бразилската сапуница „Клон“

Знаевте ли дека актерите постојано биле под лекарски надзор додека снимале во Мароко бидејќи секогаш постоел ризик да дехидрираат? Лекарот исто така им помагал и да се адаптираат на мароканската кујна во која има многу зачини.

Бразилската серија „Клон“ своевремено ги надминуваше и мексиканските сапуници кои беа хит кај нас.

Уникатната приказна за Жаде и Лукас, клонот Лео и другите ликови ни ја доближи културата на муслиманите како никогаш претходно и нè натера да се вљубиме во сончевиот Мароко.

Неколку забавни факти со кои ќе ве потсетиме на серијата, повеќе од 20 години по нејзината премиера:

Креаторката и сценаристка на серијата, Глорија Перез, била инспирирана од вистинската приказна за овцата Доли – првиот клониран цицач во светот.

Пред да се одлучат за името „Клон“ (O Clone), креаторката и продуцентите размислувале за имињата „Втора шанса“ или „Нов почеток“.

Адриана Леса, актерката која ја глуми Деуза, сурогат мајката на Лео, е професионална танчарка и пејачка.

Бидејќи ликовите се прикажани во разни периоди од нивните животи, режисерите морале да бидат креативни. За да изгледаат помладо во сцените од младоста, користеле самолеплива трака која има ефект на брз фејслифтинг.

Една од мејкап артистките кои работеле на серијата е Лин Барбер – Американка која има освоено Оскар за најдобра шминка за филмот Driving Miss Daisy.

Сцените во Египет се направени со помош на специјални ефекти бидејќи египетските власти не дозволувале да се снима во нивната држава.

Продолжува на следната страница...