Квиз за експерти по македонски јазик и лексикологија: Во која категорија спаѓаат зборовите?
Лексикологија е дел од лингвистиката што го проучува составот на зборовите на еден јазик.
Зборовите се разгледуваат од повеќе аспекти, а доколку се задржиме на процесот на обновата можеме да забележиме како тие се менувале или заменувале со други зборови, низ текот на годините.
Според историскиот развиток, односно според процесот на обновата, зборовите се делат на: историзми, архаизми, неологизми и индивидуализми.
Историзми се зборови што се употребувале во минатото, а предметите и појавите кои ги означувале, денес повеќе не постојат.
Архаизми се застарени зборови кои под влијание на современите синоними се истиснуваат од употреба. Предметите и појавите кои ги означуваат сè уште постојат.
Неологизми се новосоздадени зборови кои сѐ уште не навлегле доволно во активниот речник. Со текот на времето тие се прифаќаат само ако се во духот на јазикот.
Индивидуализмите се нови зборови, авторски креации за поинаков и повпечатлив начин на изразување. Тие се чести во јазикот многу наши поети и прозаисти.
Во продолжение за вас подготвивме низа реченици каде всушност се „кријат“ некои од овие категории на зборови.
Ќе се обидете ли да препознаете за кои станува збор?!