Марфиеви закони на работа

Велат дека ако ти тргне денот со Марфи, најверојатно и ќе ти заврши со Марфи.

Во прилог се неколку Марфиеви закони кои важат за на работа, но дел од нив и во секојдневниот живот:

- Штом седнеш да се напиеш кафе, шефот ќе побара да направиш нешто што трае токму толку колку што е потребно за да се олади кафето.

- Ненадејно добиеното слободно време секогаш залудно се губи.

- Никогаш не минувај низ ходникот на управната зграда без лист хартија во рака.

- Краен рок е една недела по планираниот краен рок.

- Никогаш не преговарај пред 10 наутро ниту пак после 4 попладне. Пред 10 изгледаш премногу напнато, а после 4 мислат дека си очаен.

- Идеалниот кандидат се појавува еден ден по вработување на просечниот.

- На која било страна да се завртиш кога влегуваш во лифт, копчињата ќе бидат на спротивната.

- Штом ја спуштиш торбата со лаптопот, лифтот стигнува.

- Ако направиш некому услуга, тоа ќе стане твоја работа.

- Ако документот е доверлив, ќе го заборавиш во фотокопирот или скенерот.