Интересни факти за бракот

За некој кој безусловно верува во љубовта, бракот е институција заснована на безгранична доверба, љубов и солзи. Но, за оние кои не веруваат во неговото значење – тој е само потпис на кој не треба да му се дава голема важност.

Во која група на луѓе и да спаѓате, веруваме дека следниве неколку факти за бракот ќе ве заинтересираат.

- Според некои истражувања, мажите кои ја бакнуваат својата сопруга штом се разбудат, живеат подолго дури пет години од оние кои ја немаат таа навика.

- Иако традицијата на вереничкиот прстен датира уште од старите Римјани, првиот примерок на обработен дијамант е направен дури во 1477 година.

- Верувале или не, во 1228 година Шкотска била првата европска земја во која жените имале право да го запросат мажот.

- Вереничкиот прстен, а и бурмата одамна се носат на домалиот прст заради вената аморис која е поврзана директно со срцето (вената на љубовта) во која верувале уште старите Римјани.

- Интересен податок е дека дури 75 проценти од паровите кои се венчаат непланирано, се разведуваат по одредено време.

- Денес, бракот е заедница која е настаната како производ на безусловната љубов. Некогаш тоа не било така – тогаш се склопувале однапред договорени бракови.

- Во стариот Рим бакнежот по официјалното „да” означувал запечатување на договорот.

- Според едно американско истражување, партнерите во еден од три брака немаат воопшто, или имаат нередовен секс.

- Просечниот брачен пар води љубов 58 пати годишно.

- Кога ќе ги земеме во предвид сите обврски, хобија, времето поминато на интернет или гледајќи телевизија, просечните вработени партнери кои имаат деца поминуваат само четири минути дневно кога се сами.

- Доколку жената во бракот е постара од мажот, поголеми се шансите тие да се разведат.