Децата зборуваат за љубовта

Додека возрасните постојано се трудат да ја дефинираат и опишат љубовта со зборови, децата многу добро знаат што е таа. Искрена, каква што навистина е, тие ја опишале најбуквално како што ја замислуваат.

Иако се деца на возраст од 6 до 10 години, се чини дека знаат многу повеќе од возрасните:

„Ако заљубувањето е како азбуката, не сакам да се заљубам, многу долго трае.“

„Љубовта е како лава од која треба да бегаш за ди си го спасиш животот.“

„Мислам дека треба прво да те погоди некаква стрела, ама останатото не боли.“

„Никој не знае како се случува тоа, ама сум слушнала дека има врска со тоа како мирисаш. Затоа се толку популарни парфемите.“

„Кога ќе престанам да одам во градинка, ќе бидам голем и ќе треба да си најдам жена.“

„На првиот состанок луѓето си кажуваат лаги што им се интересни и сакаат да дојдат пак за да дознаат уште.“

„Една личност со пеги, си наоѓа друга личност со пеги и се сакаат заедно бидејќи се исти.“

„Еден од вас мора да знае да пополнува чекови или да брои пари, иако многу се сакате секогаш има многу сметки за плаќање.“

„Кога луѓето се во врска некое време, момчето може да ја побара девојката за жена и да ѝ каже: Подготвен сум да те земам за цел живот или барем додека не добиеме деца и не се разведеме.“

„Љубовта те пронаоѓа дури и ако добро се криеш. Јас се обидувам да се сокријам од петтата година, но девојчињата едноставно ме пронаоѓаат.“