10 љубовни цитати од Кери Бредшо

Дозволете и на вечната романтичарка Кери Бредшо да ве внесе во својот магичен,љубовен свет преку само 10 прекрасни цитати.

1. Кога се работи за врските, можеби навистина никому не треба да му судите. Затоа што е невозможно да знаете што е правилно. Некој можеби само сака да се смири, да побара сигурност, а некој одбива да прифати било што помалку од пеперутки во стомакот.

2. Да бидеш сам некогаш значело дека никој не те сака. А сега, тоа значи дека си прилично секси и не брзаш со одговорите на прашањата каков живот сакаш и со кој сакаш да го поминеш.

3. Играв жешки игри. Поминав низ сите вртлози. Сега чувствувам дека запознав некој со кој би можела да стојам мирно барем на минута. Зар ти не сакаш да стоиш мирно со мене?

4. Некаде таму постои уште еден мал фрик кој ќе не сака, размазува, ќе ни ги бакнува главите и ќе направи сè да биде малку подобро.

5. Барам љубов. Онаква чудна, неприфатлива, сеприсутна, не-можеме-да-живееме-еден-без-друг љубов.

6. Кога мажите ќе се одлучат за храбри гестови, тоа генерално се смета за романтично. Кога жените ќе го направат истото, се сметаат за очајни.

7. Можеби грешките ја прават нашата судбина. Без нив, што би го обликувало нашиот живот? Да не лутаме никогаш не би се заљубиле и не би имале деца, никогаш не би станале тоа што сме. На крајот од краиштата - годишните времиња се менуваат. Како и градовите, сите се поинакви. Луѓето доаѓаат и одат. Но, утешно е што знаеш дека оние кои ги сакаш секогаш се во твоето срце.

8. Животот ти дава многу можности да упропастиш сè, што значи дека имаш исто толку шанси за да ги исправиш истите работи.

9. Универзумот можеби не игра фер, но затоа има проклето добра смисла за хумор.

10. Можеби минатото е како сидро кое не држи во место. Можеби е потребно да се ослободиме од она што сме биле за да станеме она што сакаме да бидеме.