Mорничави факти за лоботомијата - jа правеле со шило за мраз, повеќето операции биле неуспешни (вознемирувачко)

Иако повеќето операции биле неуспешни и пациентите редовно останувале неспособни ни да се грижат за себе, лоботомијата била вистински хит во периодот кога се појавила.

Лоботомијата е операција која вклучува прекинување на врските во префронталниот лобус на мозокот. Со оваа операција најчесто се лекувале пациенти со проблеми со менталното здравје.

Најчесто лоботомијата била неуспшна и ги оставала пациентите неспособни ни за најосновните работи, како грижа за себе.

За жал, лоботомијата сепак се изведувала на големо, и тоа повеќе од две децении, како лек за шизофренија, манична депресија, биполарно нарушување и други ментални болести.

Причината била тоа што во периодот кога се открила лоботомијата, не биле достапни други лекови за овие состојби.

Во продолжение неколку морничави факти за оваа застрашувачка операција:

Зборот лоботомија значи „сечење на мозочниот лобус“.

Лоботомијата била популарна процедура во раниот 20-ти век, а лекарите ја препорачувале за ублажување на симптомите на менталните болести.

Фридрих Голц е еден од првите лекари кои експериментирале со прекинување на врските во мозокот и најпознат е по ваквите експерименти направени на куче.

Но, Готлиб Буркхард е оној кој го пополчил патот за лоботомијата, но и идните операции на мозокот. Тој верувал дека менталните болести се поврзани со мозокот, па на шест пациенти им отстранил делови од церебралниот кортекс.

По операцијата, само кај еден пациент било забележано подобрување. 

Историчарот и лекар Џон Фултон, пак, забележал дека слична операција има смирувачки ефекти кај шимпанзата. Сепак, тој не ја пробал операцијата на луѓе.

Во 1935-та година, португалскиот лекар Антонио Егас Мониз, заедно со хирургот Алмеида Лима, ја направил операцијата на човек. Тој употребил инјекции со алкохол за уништи дел од ткивото на мозокот.

Во 1949 година, Мониз добил и Нобелова награда за лоботомијата. 

Првата лоботомија во САД била изведена во 1936 година, и тоа на 63-годишната Алис Худ Хамат. Докторите Волтер Фримен и Џејмс Ватс ја модифицирале техниката на Мониз и ја претставиле лоботомијата во Америка.

Најчестата алатка за изведување лоботомијата била шило за мраз. Еден од синовите на доктор Фриман изјавил дека првите шила за мраз што татко му ги користел во лоботомиите биле од неговата кујна.

Продолжува на следната страница...