CV-то клучно за супер работа

Според анкетите кои ги спроведоа британските научници, најголемиот број на луѓе ја уништуваат својата шанса за вработување токму поради...

 

... граматичките грешки при пишувањето на биографијата. Дури 94% од луѓето кои барале работа, во своите биографии имале огромни граматички грешки, тврдат експертите.

“Најчеста грешка која континуирано се појавува е ставањето на запирка на погрешни места. Некои луѓе дури воопшто не ја користат запирката при пишувањето на своите биографии.

Но, тоа и не е најголемата грешка со оглед на тоа дека многу луѓе не само што не ја знаат правилната структура на професионална биографија, туку се служат и со сленгови”, изјавила Корин Милс – советничка во друштвото Personal Career Management.

Исто така, голема грешка во пишувањето на биографијата е користењето на излитени и смешни фрази, како на пр: ”ја превземам целата одговорност, доколку купувачите се незадоволни”, “сакам кучиња и радо се дружам со интересни личности”, а токму овие фрази се најчести кај британските биографии.

"Многу личности кои кои веројатно се способни за бараната работна позиција на која аплицираат, не ја добиваат работата од причина што нивните биографии се лошо напишани.

CV-то никако не смее да биде напишано шаблонски, односно лошо презентирано, а таквите биографии се неинтересни и несериозни за работодавците” , заклучува Милс.