Среќни заедно

За да можеме да ја цениме вредноста на она што го добиваме од партнерот, мораме да бидеме подготвени да пружиме дел од своето време, внимание...

 

...љубов, нежност и секако дел од себе.

Психолозите ја истакнуваат вредноста на давањето, иако многумина не посветуваат внимание на тоа, очекувајќи прво да добијат, а потоа да возвратат.

Психолозите велат дека оној кој не знае да даде, не знае ниту да прими. За ваквите личности секој подарок од материјална или духовна природа, нема никакво значење.

Сетете се сами да направите нешто за партнерот/ката без тој/таа да ве потсети или натера на такво нешто.

Подгответе му/и го омиленото јадење или измасирајте го/ја, ситните мали гестови понекогаш кажуваат многу повеќе од крупните подвизи.

Сeкогаш одвојте време кое ќе го поминете сами со партнерот/ката и ќе разговарате за вас двајца, а не за работата, семјството или пријателите. Покажете му/и на парнерот/ката дека се грижите за него/неа и сакате да го/ја разберете и да му/и помогнете.

Важните одлуки не ги донесувајте сами, консултирајте се со партнерот/ката. Доколку не се согласувате издвојте време за да се договорите и да ги усогласите ставовите.

Внимателно слушајте ги аргуменитите од другата страна, изложете ги своите, разговарајте и заеднички донесете одлука.

Секогаш гласно и јасно кажувајте што сакате, видовит партнер/ка тешко ќе најдете. Убаво е партнерот/ката понекогаш да ве изненади, но понекогаш морате и да му/и помогнете, а посебно на почетокот кога не се познавате доволно. Подоцна во врската ќе биде полесно да се препознаат желбите.

Малкумина од нас сакаат да бидат сами, но уште полошо е да имате некој покрај себе, а да бидете несреќни. Ако веќе навистина сакате некого и тој/таа ве сакав, потрудете се да бидете секогаш среќни заедно.