10 совети за комбинирање облека и модни додатоци со кои секогаш ќе изгледате стилски и впечатливо

Штиклите треба да ги изберете според должината на вашето здолниште. Односно, колку е пократко здолништето, толку треба да се пониски штиклите.

Дури и ако сте моден експерт, сигурни сме дека секогаш сакате да научите по некој моден трик кој ќе ви помогне да ги подобрите вашите комбинации.

10 трикови и совети со кои секогаш ќе имате тренди и впечатливи модни комбинации:

Изберете колан според формата на телото

Изборот на колан е од голема важност кога правите комбинација, а во овој случај морате да ја земете предвид и формата на вашето тело.

На пример, пониските и слабички жени ќе изгледаат подобро со тенки еднобојни колани.

Овие колани изгледаат најдобро со облека со принтови, па избегнувајте да ги носите во еднобојни комбинации.

Од друга страна, повисоките жени, жените со облини и атлетски градените жени ќе изгледаат подобро со малку пошироки колани.

Но, бидете внимателни – премногу широките колани не изгледаат добро без разлика на градбата на вашето тело.

Чевлите треба да одговараат со должината на здолништето

Постои едноставно правило – колку е пократко здолништето, толку пониски треба да бидат чевлите.

Ова значи дека мини-здолништата изгледаат најдобро со ниски чевли, како балетанки или патики.

Од друга страна, долгите и миди-здолништата ќе изгледаат подобро со повисоки штикли.

Користете модни додатоци за да го одвлечете вниманието од „недостатоците“

Ако, на пример, сакате да носите тесно здолниште, но не ви се допаѓа што ви се познава стомачето, во комбинацијата додајте впечатлива марама околу вратот.

Овој моден детаљ ќе го одвлече вниманието од „проблематичниот“ дел.

Но, морате да бидете умерени со модните додатоци како марами и накит

Ако носите марама, препорачливо е да додадете само уште еден моден додаток, како обетки или ланче.

Ако станува збор за минималистички накит кој не привлекува многу внимание, тогаш слободно носете и обетки и ланче со марамата.

Но, генерално избегнувајте впечатлив накит во комбинација со марама, особено ако има некаков принт.

Бидете креативни со елегантните марами

Марамите не се само за на вратот – можете да ги заврзете на чантата, на главата, на шеширот, па дури и да ги носите наместо колан.

Продолжува на следната страница...