Христина Пан за 35-тиот роденден се забавува со ќеркичките, откако едната извојува нова битка во лекувањето (видео)

Детали

четврток, 25 април 2024

Нашата инфлуенсерка Христина Пан објави емотивно видео со двете ќерки близначки за 35-тиот роденден, откако малата Тара извојува уште една тешка битка во лекувањето - слатки прегратки, големи балони и Барби аутфити. 

Христина Младенов, на Инстаграм позната како Христина Пан, е мајка-херој, која изминатиов период минува низ големи животни предизвици.

Таа за CRNOBELO.com јавно зборуваше за неколкугодишната борба со неплодност, а во 2022 стана мајка на прекрасни близначки Тара и Хана.

Но пред да наполнат 1 година, таа откри дека Тара се соочува со сериозна болест.

Нивниот процес на лекување, хемотерапии и третмани трае подолг период, во Скопје и во Љубљана, а неодамна се вратија од Турција, каде што малата Тара извојува уште една тешка битка.

Прочитајте и Христина Пан по 2 месеца поминати во болница со ќеркичката во Турција: „Се молам најлошото да е зад нас“

Сега, по повод 35-тиот роденден на Христина, таа објави емотивно видео со двете ќеркички, облечена во розово и насмеана покрај своето најголемо богатство. 

Тие си играат со огромни балони со бројки 35 и со натпис „Среќен роденден“, се прегрнуваат, прават забавни гримаси, а двете сестрички се облечени во Барби аутфити.

Во описот на видеото таа напиша кратко и јасно: „Само една желба имам за овој роденден“.

Во коментари сите ѝ ја посакуваат истата желба, нејзината ќеркичка Тара целосно да оздрави и цел живот да бидат вака среќни – заедно.

Погледнете го видеото:

М. М. | Црнобело