Карлеуша и бившиот Душко Тошиќ позираат заедно со ќерките на матурата на нивната прва наследничка – Јелена ја донесе на прославата

Детали

недела, 14 јуни 2026

Ќерката на Јелена и Душко, Атина, матурираше во приватно британско училиште кое чини 10-15.000 евра годишно, а мама и тато се обединија за љубов на ќерките и позираат заедно и по сите скандали – матурантката елегантна во жолт фустан, сестрата Ника во Chanel папучи.

Првата наследничка на Јелена Карлеуша и Душко Тошиќ, Атина, матурираше во Британско интернационално училиште во Белград, познато по ригорозни британски стандарди, настава на англиски јазик и ученици кои се деца на естрадни личности и дипломати.

Според српските медиуми, цената на годишно ниво за школување во ова престижно училиште е од 10 до 15 илјади евра, но познатиот пар никогаш не штедел на образованието на ќерките.

На церемонијата, Јелена пристигна заедно со елегантната матурантка, која носеше жолт фустан и високи штикли.

Но, она што сите ги изненади е семејната фотографија која ја објави Карлеуша, на која таа и Душко позираат заедно со двете ќерки.

Очигледно и покрај сите скандали во јавноста, кога станува збор за ќерките, тие се подготвени да ги надминат проблемите и да бидат заедно покрај нив.

На семејната фотка, родителите го покажаа своето елегантно издание, Душко во одело, Јелена во син фустан, а помалата ќерка Ника во мини фустан и Chanel папучи.

Уште неколку фотки и видеа: 

М. М. | Црнобело