На скијање во Kitzbühel, Австрија

На помалку од 2 часа од Минхен, сместен е најдобриот ски ресорт во Австрија, а воедно и меѓу првите 10 во светот – Kitzbühel.

Самиот град датира од пред речиси 800 години и скијањето овде е традиција со векови. Тиролскиот шарм, бројните ресторани, барови и ски терени се совршени за љубителите на зимските спортови.

Градот е окружен со 3 главни ски области: Jochberg Pass Turn, Kitzbüheler Horn и Hahnenkamm – последната е предизвик за професионалните скијачи и авантуристите.

Препознаена како област каде може да експериментирате со своите скијачки вештини или да бордате, овде може да најдете бројни туристи од целиот свет.

Ова е и популарна викенд дестинација заради близината до Минхен, Инсбрук и Салзбург. Резервација е задолжителна за сезонскиот период особено во месец Февруари.

Популарни ресторани: Најчесто сместени во самите хотели - Schloss Lebenberg и Hotel Restaurant Zur Tenne.

Ако сакате да испробате нешто слатко или да се напиете кафе - Café Praxmair.

Ако сте расположени за шопинг, можете да си дозволите скапи брендови како Lacoste, Prada, Gucci, Louis Vuitton и Dolce & Gabbana, но може и да ги ѕирнете некои од традиционалните Австриски брендови како Jochbergerstrasse и Sportalm.

За оние кои не скијаат: можност за лизгање на мраз, качување, калинг и уживање во некој од спа центрите.