Работете додека патувате!

Како да работите додека патувате, односно да патувате додека работите? Ова е прашање што си го поставуваат сите кои сакаат да го видат светот...

... a не можат да си дозволат само да го чекаат периодот за летен одмор. Еве ги професиите што ќе ви го овозможат токму тоа. Одберете си една и со среќа!

Патување
Секако очигледниот избор е целата туристичка индустрија. Од стјуардеси и пилоти до вработување на брод за крстарења, па и пишувач на патеписни репортажи. Изберете го оној дел што ќе ви биде најлесно да го совладате и што секако, се согласува со вашите желби.

Консултанти
Консултантите ги решаваат проблемите снабдувајќи ги компаниите со експертски совети за се` од менаџмент и маркетинг до IT. На ова место нема да бидете врзани со една фирма, туку ќе можете да патувате од еден во друг град, посетувајќи ги претставништвата на кои им треба ваша помош. Во зависност од потребната поддршка ваквите посети можат да бидат кратки или долгорочни.


Регрутирање
На оваа позиција, без разлика дали работите за некоја компанија или за спортски тим, ќе патувате низ целата држава за да ги откриете новите таленти. Доколку воопшто најдете компанија која бара вакви услуги ќе бидете вистински среќници бидејќи дел од годината многу ќе патувате и заработувате, а дел ќе се одморате во очекување на новата сезона на регрутирање.

Предавање странски јазик
Ова може да го работите и во Македонија и во странство. Овде не може да направите многу куси патувања, но би било интересно една година да работите во странство и да предавате македонски или друг јазик што го имате совладано. Контактирајте со приватни училишта од држави кои сакате да ги посетите и можеби ќе ви се посреќи!