„Песок мек како брашно, тиркизна вода“ – Најубавата плажа во Анталија, според српска патувачка блогерка

„За да стигнете до плажата, морате да се спуштите по 200 скали, но вреди“ – вели српската инфлуенсерка Јована Квржиќ за плажата Капуташ, која се смета за една од најубавите во Анталија. Како изгледа овој мал рај во Турција?

Анталија во Турција е популарно туристичко место и за нашите, но и за другите туристи од Балканот, а српската патувачка инфлеунсерка Јована Квржиќ, на својот Инстаграм профил сподели фотографии и видеа од најубавата плажа што се наоѓа таму.

Плажата Капуташ се наоѓа на 20km оддалеченост од Каш, а на само 7km од Калкан и за неа се вели дека е толку чиста што со голо око можете да го видите животинскиот свет во Медитеранското Море.

Јована Квржиќ во своите објави напоменува дека оваа плажа ја забележала уште во моментот кога патувала од аеродромот кон Каш и не може да каже дали е поубава одгоре или кога ќе се симнете до неа.

За да стигнете до оваа плажа потребно е да се симнете по 200 скалила, a таму има лежалки и чадори за изнајмување, но и ресторан и можете целиот ден да уживате.

„За оваа плажа скриена меѓу две капри која се наоѓа на патот од Даламан до Каш, многумина велат дека е најубава плажа во Турција.

За да стигнете до неа, морате да се спуштите по 200 скали, но вреди.

Песокот е мек како брашно, а водата е со нереално тиркизна боја, толку е чиста што ви се чини дека можете да ја пиете“ – пишува Јована Квржиќ.

Погледнете во продолжение повеќе фотографии од плажата Капуташ:

Б. С. Б. | Црнобело