Централ Парк - оаза во Њујорк

Со 8,4 милиони жители и густина на населеност од 10.500 луѓе на километар квадратен, Њујорк навистина е метропола која никогаш не спие. Низ улиците на Менхетен...

 

...секојдневно поминуваат околу 12.000 таксисти и еднаков број на лични автомобили кои покрај метежот, создаваат бука и облак од смог над градот.

Жителите на Њујорк спас од бетонот и градското лудило наоѓаат во зелената оаза која импресивна стои во самиот центар на Менхетен.

Централ Парк се простира на површина од 342 хектари и со право го носи името „белите дробови на Њујорк“. Сместен е на градско земјиште кое во 2005 година е проценето на неверојатни $528.783.552.000 долари.

Идејата за големиот парк е да биде место каде жителите ќе можат да најдат мир и рекреација. Инспирацијата ја добил Andrew Jackson Downing, а веќе во 1848 година архитектот Calvert Vaux со своите нацрти го добил градскиот натпревар.

Паркот бил завршен 15 години подоцна, иако њујорчаните сметаат дека паркот никогаш не е потполно довршен затоа што некои делови редовно се реконструираат.

Централ Парк на посетителите (околу 25 милиони годишно) им нуди пространи ливади на кои се одржуваат концерти, можности за пикник и спортски активности, уредни патеки за прошетка и џогирање (вкупно 93km пешачка стаза), рибници, езера, 35 мостови и зоолошка градина.

Паркот е посебно значаен за животните кои во градот немаат природен животен простор. Имено, најголемиот дел од површината на Њујорк е под беон, а околу 5.500 згради имаат повеќе од 12 ката.

Зоолошката градина е изградена во 1870 година, и во неа се сместени околу 300 животни. Во паркот има посадено преку 26.000 стебла и поставени се преку 9.000 клупи.