Летачка санка со Дедо Мраз, елка со желби: Божиќен базар во Швајцарија е еден од најубавите во Европа (фото+видео)

На божиќниот базар во Монтро можете да ја видите санката на Дедо Мраз која прелетува над базарот трипати дневно. Како изгледа еден од најубавите базари во Европа?

Божиќните базари се едно од најубавите нешта во празничната сезона.

Многуте сијалички, вкусната храна, топлите пијалаци и веселите посетители создаваат волшебна празнична атмосфера.

Иако низ Европа има бројни божиќни базари од кои е тешко да се издвои најубавиот, еден базар во Швајцарија дефинитивно ја има најуникатната атракција.

Во швајцарскиот град Монтро има санка на Дедо Мраз која го „прелетува“ божиќниот базар.

Санката, комплет со ирваси и, секако, подароци, е закачена на жица, но навечер изгледа како над вас навистина да прелетува Дедо Мраз.

Санката го прелетува базарот секој ден во 5, 6 и 7 часот попладне, а во сабота и недела, можете да го видите и во 4 часот попладне.

Покрај главната атракција, во склоп на базарот има панорамско тркало, работилница каде што можете да украсувате божиќни колачиња и Дедо Мраз со кој можете да се фотографирате.

Исто така, има многу штандови за храна и пијалаци, како и елка на која можете да си ја закачете вашата новогодишна желба.

Базарот работи од 21 ноември до 24 декември, а годинава се одбележуваат и 30 години од неговото прво отворање.

Во продолжение повеќе фотки од базарот и главната атракција – санката на дедо Мраз:

Продолжува на следната страница...