Положби на спиење кои помагаат при разни проблеми со здравјето

Ако имате проблеми со дигестивниот систем, како киселини, најдобро е да спиете свртени на левата страна.

Нашето здравје зависи од многу фактори.

Но, ако имате симптом кој не е поврзан со сериозен здравствен проблем, како вкочанет грб, можете да си помогнете со промена на положбата на спиење.

Во која положба да спиете за разни проблеми со здравјето?

Болка во грбот

Положбата во овој случај може да биде индивидуална, односно вие треба да оцените како ви е најудобно.

Но, можете и да пробате да спиете на грб, така што ќе ставите перница под колената, како и крпа свиткана во ролна под половината.

Болка во рамото

Важно е да не спиете на страната на болното рамо за да не создавате непотребен притисок.

Легнете на другата страна и свиткајте ги нозете.

Со рацете прегрнете перница, а друга перница ставете помеѓу колената.

Ако ве болат и двете рамена, тогаш најдобро е да спиете на грб.

Проблеми со синусите

Спијте на повисока перница или врз две-три перници.

Со оваа положба синусите нема да ви се затнат во текот на ноќта и ќе ви биде поудобно.

Главоболка

Знаевте ли дека ако спиете во погрешна положба, главоболката може и да ви се влоши?

Најдобро е да легнете на грб, а околу главата да ставите неколку перници.

На овој начин ќе го ограничите движењето на вратот, а со тоа ќе се намали главоболката.

Менструални болки

Ако имате многу силни менструални болки, немојте да трпите и напијте се нешто против болка.

Но, ако болките се издржливи и не ви дозволуваат да заспиете, легнете на грб со перница под колената.

Висок крвен притисок

Високиот крвен притисок е нешто за коешто мора да се консултирате со лекар и не треба да очекувате да го регулирате само со положба за спиење.

Но, положбата на спиење може колку-толку да биде од помош.

Истражувањата покажале дека притисокот може да се намали кога спиеме на стомак. Сепак, тоа не значи дека кај секого функционира исто, па доколку не ви годи, не го практикувајте. 

Проблеми со дигестија

Поради анатомијата на желудникот, ако спиете на десната страна, тогаш киселината од него може да се врати во хранопроводот и да предизвика мачнина.

Што значи, најдобро е да спиете на левата страна, а можете да ставите и перница помеѓу колената.

Болка во вратот

Во овој случај важно е да му дадете поддршка на вратот и да го избегнете движењето во ноќта.

Спијте на грб, со крпа свиткана во ролна под вратот.

Спирова С. | Црнобело