Дружење за подолг живот

Друштвеноста е еден од најдобрите начини за продолжување на животниот век. Добрите односи со фамилијата, соседите па дури и со домашните миленици...

 

 

...значајно влијаат на квалитетот на вашиот живот, а со тоа и на неговата должина.

Влијанието на добрите друштвени односи на здравјето прв го воочил во 1858 година Вилијам Фар, британски научник, кој ја поставил тезата дека вдовивиците и вдовците имаат поголем процент на смртност за разлика од нивните врсници во брак.

Големото статистичко истражување покажало дека бракот додава 7 години кај мажите, 2 години живот кај жените.

Новите истражувања покажуваат дека личност во брак која има срцева болест, може да очекува да живее 4 години подолго од својот врснил со здраво срце, но кој не е во брак.

Па така ако не можете да се откажете од пушењето, негативното влијание можете да го поништите со добар брак.

Можеби ви е чудно, но оженет маж кој пуши повеќе од една кутија цигари на ден има поголеми статистички шанси за подолг живот од својот врсник кој не пуши и не е во брак.

Се прашувате на кој начин ви се продолжува животот?

Влијанието е доста комплицирано, а на него влијаат економски фактори, здравствени услуги, размената на информации, емотивната потпора и уште некои психолошки механизми.

Друштвените контакти го поттикнуваат развојот на мозокот и  имунолошкиот состав, што води до помало нарушување на здравјето и мали шанси за развој на депресија кога ќе остарите. Личностите кои наоѓаат потпора кај другите - полесно го поднесуваат стресот.

Значи, градењето добри односи со сите околу вас, ќе го направите својот живот поубав и значително ќе го продолжите.

Однесувајте се љубезно и добронамерно кон луѓето, а награда ќе ви биде долг и здрав живот!