Ви мириса здивот?

Кога имате проблеми со непријатен здив во устата таа состојба се нарекува халитоза. Сами не можете да ја забележите затоа што нашите сетила за...

 

...мирис не се во состојба да реагираат, и затоа најчесто некој друг ни го става до знаење.

На почеток секогаш се сомневате во лошата оралнахигиена, расипани заби или пак парче храна заглавена меѓу забите.

Се наметнува и логичното решение - добро мијте ги забите, користете забен конец и секако редовно одете на забар.

Лошата исхрана е втора на пописот на причини. Исфрлете ја брзата храна, слатките и газираните пијалоци. Јадете повеќе овошје и зеленчук и пијте вода за да ви функционира дигестивниот систем правилно.

Зачинета храна - кари, кромид, чипс, црвено месо и сл. сигурно ќе остават траги во устата, но и во вашиот здив. Не ги исфрлајте овие состојки целосно од исхраната меѓутоа не претерувајте.

И на крајот - пушењето. Откажете се!

Ако ги направите сите овие промени и остане миризбата пробајте со водата за уста.

Таа содржи цинк-хлорид (со црвена боја) кој ќе ги ослободи непријатните мириси, но ако сакате да се ослободите и од бактериите, користете течност која содржи домифен-бромид и цетилпиридиниј - хлорид (жолта или зелена боја).