Трикови кои ќе го олеснат чистењето на бањата: Кадата се чисти со цитрон, машината со избелувач

Чистењето на бањата сигурно не ви е најомилената и најзабавната работа, но е нешто кое мора да се прави барем еднаш неделно.

Сепак треба да имате на ум дека не секогаш ваквото чистење мора да биде тешко и напорно.

Следните трикови ќе ви покажат како да ја исчистите бањата за многу пократко време и со многу помалку труд.

Исчистете го тушот без гребење

Сè што ви е потребно е оцетна киселина, празна кесичка и ластиче. Турете една чаша киселина во кесичката и ствете го тушот во неа, водејќи сметка предниот дел да биде целосно потпен во киселина.

Со помош на ластичето зацврстете ја кесата и оставете киселината да делува 1 час. Потоа само убаво исплакнете и имате чист и дезинфициран туш.

Чистење на плочките и подот

Чистењето на подот може да биде вистински кошмар но ако подготвите смеса од 1/2 шолја сода бикарбона, 1/4 шолја хидроген пероксид и 1 лажичка детергент за садови работите ќе станат многу полесни.

Исчистете ја кадата со помош на цитрон

Кадата најлесно ќе ја исчистите ако пресечете на половина еден цитрон и врз пресечениот дел ставите сол. Убаво истријте и на крајот само исплакнете со вода.

Оваа техника можете да ја користите и за чистење на даската за сечење.

Чистење на дамките од ’рѓа од лавабото

Дамките од ’рѓа може лесно да се исчистат со смеса од сок од лимон и калиум битартрат. Нанесете ја смесата со четка за заби, исчистете а потоа само исплакнете со вода.

Како да ја исчистите машината за перење

Наполнете ја машината за перење со жешка вода и додадете 1/4 средство за избелување на алишта. Пуштете ја машината да врти неколку минути а потоа исклучете ја и оставете да отстои еден час. Потоа пуштете ја на најдолгата програма.

Откако ќе заврши повторно наполнете ја со жешка вода и додадете 1/4 дестилирана оцетна киселина. Повторно пушете ја да работи неколку минути и оставете ја да отстои еден час. Средството за избелување и киселината ќе ја исчистат машината од сите бактерии и наслаги.

Како да се ослободите од непријатниот мирис во бањата

Најдобар начин за ослободување од непријатниот мирис е да ја чистите ВЦ-школката и областа околу неа со смеса од сок од лимон, сода бикарбона и оцет.

Како да го исчистите порцеланското лавабо

Најлесно начин за чистење на овој дел од бањата е ако нанесете детергент за миење садови, убаво истриете и потоа исплакнете со вода. Потоа испрскајте со средство за избелување и оставете да делува неколку минути. Благо истријте и исплакнете со вода. Ова ќе ја отстрани жолтеникавата боја од порцеланот.

М. С. | Црнобело