Кои се омилените парфеми на нашите политичари?

Александар Стојковски

Омилен парфем ми е Invictus од Paco Rabanne. Некако ми делува свежо, а во исто време и моќно.

Го користам долго и не можам да опишам зошто го сакам, тоа е само чувство - така и ги бирам парфемите, по некое мое чувство.

Славјанка Петровска

Сакам мирис на чистина и мирис кој релаксира и дава чувство на свежина, но истовремено дава чувство на сила и цврстина.

Не трошам многу пари на парфеми и се радувам кога ќе ги видам некои од моите омилени парфеми на попуст.

Најчесто ги користам One Мillion на Paco Rabanne, Live на Boss, White на Ellie Saab и најомилениот Idole од Lancomе, кој го користам во моментов.

Не робувам на скапи и модерни парфеми кои мора да ги имам зашто трендот е таков, туку секогаш бирам парфем во кој ќе се препознаам.

Има еден парфем, кој иако не го користам, го препознавам и го сакам затоа што ми дава чувство на топлина и љубов, тоа е Chanel No.5, тоа беше најомилениот парфем на мојата мајка.

Во Новата 2025-та ќе посакам сите да го почувствуваме мирисот на радоста и среќата, а најмногу на безусловната љубовта, затоа што таа ги носи сите добри нешта.

Фатмир Битиќи

Имам неколку омилени парфеми, но најомилен и пармем што најчесто го користам е Bleu de Chanel.

Го користам последниве 6 години, сигурно.

Ми дава свежина и ме полни со енергија.

Марија Митева

Мојот омилен парфем е Lancome Miracle, со топли ноти на фрезија - суптилни, но трајни.

Ме потсетува на нов ден, на моменти на мир и остана со мене низ годините.

Ги отсликува вредностите што ми се драги: едноставност и автентичност.

Орце Ѓорѓиевски

Еден од моите омилени парфеми е Invictus од Paco Rabanne, а кој долго време го користев.

Мирисот е моќен и свеж, а дополнително, името Invictus, што значи 'непобедлив', е нешто со кое се идентификувам и што е на некој начин моја карактерна особина, бидејќи секогаш се стремам да излезам како победник од секоја ситуација.

Во моментов, го користам Sauvage од Dior, кој ми е подарок од мојата сопруга.

Тоа е парфем со впечатлив и енергичен мирис, композиција со хармонија меѓу класичното и модерното, нешто што мене како личност ми е многу блиско.

Не менувам често парфеми. Најчесто ги добивам како подарок и секој од нив носи своја приказна, спомен и емоција.

Прочитајте и Каролина - Chloè, Лозано 20 години со ист мирис: Кои се омилените парфеми на познатите Македонци?

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело