Панчо емотивен за роденденот на првородениот син: „Ќе те сакам до крајот на животот“

Детали

вторник, 11 февруари 2025

„Не можам да ти ветам дека ќе бидам тука до крајот на твојот живот, но ти ветувам дека ќе те сакам до крајот на мојот. Те сака, тато!“ - напиша Панчо во емотивната роденденска честитка за синот.

Владимир Блажев или Панчо од ДНК, има голема причина за славење. Неговиот постар син, Андреја, наполни 14 години.

За да му го честита роденденот, познатиот музичар и диџеј, објави две фотографии на Инстаграм.

Едната е направена неодамна и се гледа колку е Андреја пораснат, но и веќе повисок од својот татко, а на втората, тој е мало детенце, а Панчо е наведнат кон него.

„Среќен 14-ти роденден Андреја! Не можам да ти ветам дека ќе бидам тука до крајот на твојот живот, но ти ветувам дека ќе те сакам до крајот на мојот. Те сака, тато!“ - напиша Панчо.

Инаку, Андреја обожава фудбал и тој неодамна успеа да влезе во фудбалската академија на ФФМ и со тоа да го следи својот сон еден ден да биде професионален фудбалер.

Повеќе фотографии од Панчо и Андреја:

Прочитајте и Панчо му напиша искрено писмо на синот: „Најмногу сакам да станеш фудбалер, но ќе бидам горд и ако си келнер или молер“

А. Ј. | Црнобело